布里格

今次係我第三次跟團，亦係第一次跟永安，我們屬於D组，我地的领隊Victor mau,是次带给我旅遊新體驗。Victor每次都會在行車時閒講一些關於瑞士歷史，風土人情，同埋每一個旅遊景點背景，令我們了解更多不同的知識。而團餐安排得好，當一到步，我們就食中式，尾餐都係中式，十分好。正好做成首尾呼應。因為其後我們都食西式，他每天都安排好。例如午餐吃了雞，晚餐就吃魚，很少會重覆，值得加分。 另外，我們每天都會轉换酒店，令到我們有期待的心和不同感覺。他每早上出發前，都會為我們打點一切，並提醒我們幾點可在酒店吃早餐。上車前，幫我們照顧行李，極為细心。並提我們带三寶，檢查有没有護照，電話和錢包等。 最難忘是在船上午餐，是次一個很開心的回憶，可以在船上欣賞風景，沿途可以在船上拍照，很放鬆，午餐亦好味，及後去古堡，見識左很多古堡知識，建築由來，及後品嘗一些葡萄酒，釀製得好飲。 多謝永安旅遊和victor帶给我一個旅遊新體驗，瑞士是一個很美麗地方，城市郊外都有不同温差，最值得一提上左不同雪山，例如魔女峰，雪景很美，我和朋友都拍了很多照片，是很值得一去。另外我們去左阿莱奇冰川，看冰川，亦令我們大開眼界。好值得推介這個團

這是一次令人非常難忘的旅程！大家一齊渡過左開心難忘的10日！ 領導兼導遊Victor Mou的經驗及專業知識非常深厚！不僅對瑞士的歷史文化，甚至周邊國家如何影響瑞士都非常了解，每個景點都能琅琅上口地介紹，而且講解生動有趣。他經驗豐富，好清楚景點的危險位置，不斷的提醒我們要提高警覺；另外Victor的親和力強，總是親切有禮又細心回應每個團友的問題或需求，他的專業態度及服務，令我們感受到真正的用心與熱忱👍 行程內容豐富又安排合理，每天不會太趕太累，觀點之間的車程不會太長，每個地方都有合理的時間觀光&購物，8天下來，剛好走完瑞士一圈，真正的深度遊；膳食方面，午&晚也是正常的三/四道菜西餐，味道OK，而且Victor細心地為我們每餐「錯開」不同的主菜，還有2-3餐特別好味。另外有兩餐安排在船上及火車上，風光如畫進食，好特別的體驗，非常難忘！ 團費已經包含所有門票、膳食支出，絕無自費項目，價格合理而且性價比極高；這10日的旅程成為我人生中一段難忘且珍貴的回憶。

組別E 已經超過廿幾年冇跟過長線旅行團嘅我，因為冇時間安排自由行嘅行程，就俾旅行友伴賣咗豬仔，無緣無故報咗呢個旅行團，但係竟然令我有意外嘅驚喜🥳 整個行程非常順暢，無論安排嘅航班、酒店同膳食都比我想像中好，導遊細心安排就不在話下啦，意外嘅係呢位導遊送俾我地每人一張地圖，仲有手寫上去每去過地方嘅位置，令我呢個路痴有一個具體十天遊嘅概念，呢點可能唔係每一位團友都會欣賞，但對我嚟講係真係有加分嘅必要㗎🤣 行程當中好多景點都非常特別，其中Lake Leman遊船河，一邊欣賞湖邊風景之外一邊享用嘅午餐都非常美味；另外喺Zermatt，呢個被喻為無煙環保城，令大家更加肯定環保概念嘅堅持係重要嘅，果度更安排咗一間酒店房對住Matterhorn呢座咁宏偉嘅雪山，一早起身落樓仲可以睇埋日光𠻹；雖然今次天氣不似預期，呢個當然唔可以預計到啦；而Gornergrat雪山之旅時亦因為瑞士萬變嘅天氣有少少影響，我地呢位經驗豐富嘅導遊即刻識得發揮佢嘅小宇宙作出適當嘅調配以作補救；車程期間導遊所講嘅每一個歷史故事，亦令我對瑞士呢個地方有進一步嘅了解，有呢位經驗豐富嘅導遊應記一功；其次係由Andermatt 去Chur嘅一段冰河列車之旅Glacier Express亦值得一提，雖然去到第七日對瑞士周邊漂亮嘅景色其實開始有啲麻木，但呢一程真係絕對不能錯過㗎，全程天氣都非常唔錯，令每張拍出來的照片都好出色⋯⋯ 今次令我對參加長線旅行團刮目相看，因為如果要自由行嘅話，安排行程、膳食、同景點嘅入場費都應該好難作預算，而呢啲都係安排自由行時我一個人需要做嘅嘢，特別今次呢個旅行團嘅費用係全包，所有嘢都由永安一手包辦，我突然間覺得第時可以跟番旅行團都未嘗不可，當然一個具有經驗嘅導遊同值得信賴嘅公司先可以配合得到，今次真係多謝友伴們嘅决定，藉得一讚！