2026中秋國慶請假攻略｜請4日放9日玩盡日泰台

2026年中秋節同國慶日只相隔一個星期，只要好好運用年假，就可以砌出一個9日甚至12日嘅超長假期。無論你想去日本大阪、京都、東京，定係泰國曼谷、清邁，又或者短途嘅台灣台北，呢篇文章都會由請假算式講起，再按目的地整理景點玩樂重點、永安旅遊跟團行程選擇、自由行與跟團比較，以及簽證天氣等出行貼士，幫你盡早鎖定長假期行程。

先睇清楚2026年嘅公眾假期日子：中秋節正日係9月25日（星期五），香港於9月26日（星期六）放中秋節翌日假期；國慶日10月1日（星期四）同樣係公眾假期、毋須請假。夾喺兩組假期中間嘅工作日，就係今次請假攻略嘅關鍵。

想連放9日，只需要請4日年假：請9月28日（星期一）、29日（星期二）、30日（星期三）以及10月2日（星期五），即可由9月26日（星期六）一路放到10月4日（星期日），前後共9日，返工日係10月5日（星期一）。

如果淨係請9月28日至30日共3日，因為10月2日（星期五）要返工，只可以連休9月26日至10月1日共6日。想再盡啲，可以喺4日年假之上加請10月5日（星期一）、6日（星期二）、7日（星期三），即合共請7日年假，即可由9月26日連休至10月7日（星期三）共12日，10月8日（星期四）先復工。長假期機票同酒店供應緊張，建議確認假期後盡早規劃。資料來源：香港政府新聞公報。

駁到長假之後，下一步就要決定用咩方式出行。長假期間機票、酒店同景點人流都處於高峰，自由行同跟團各有適合嘅場景，以下由交通、住宿、行程安排同請假成本四個角度比較：

簡單講：自由行彈性大，但長假期間所有嘢都要自己搶；跟永安旅行團就由團隊預先統籌機位、酒店同行程，9日或12日長假只要揀啱出發日同天數，就可以放心出發。以下按目的地整理熱門行程同景點重點，畀你參考。

9月底至10月初嘅大阪同京都仍屬夏秋交替，日間天氣和暖，市區觀光相當舒適。要留意嘅係，京阪神市區嘅紅葉一般要到11月中下旬至12月初先進入最佳觀賞期，中秋國慶檔期過嚟，重點應放喺城巿地標、歷史寺院同美食購物。

大阪市內嘅大阪城公園同道頓堀一帶係經典落點：大阪城天守閣可以登上城樓俯瞰市景，道頓堀就集美食、招牌夜景同購物於一身，日頭夜晚各有玩法。以下為相關景點推薦：

轉到京都，金閣寺、清水寺呢類世界文化遺產級寺院係初次到訪必去之選，祇園花見小路一帶就保留住古都嘅町家風情，啱曬慢慢散步。想一次過玩勻大阪、京都、奈良同和歌山嘅經典景點，可以考慮永安旅遊嘅關西5天行程，行程仲包含一天自由活動，方便自己再加插心水景點。

東京市區景點密集，淺草寺、東京晴空塔、東京鐵塔、明治神宮等經典地標之間交通方便，適合安排5至6日嘅市區行程。想睇富士山景緻嘅話，可以預留一日去河口湖一帶，秋季湖水同山色相映，亦係東京近郊熱門嘅一日遊方向。

如果假期想玩得輕鬆啲，永安旅遊嘅東京半自由行5天行程會安排富士山五合目等經典景點，再預留兩日自由活動，長假期間可以按自己節奏行街購物，唔使日日趕景點。

如果你請足7日年假駁到12日超長假期，又想喺日本睇紅葉，就要留意日本嘅紅葉時間表：北海道道東一帶9月下旬起會陸續轉紅，係日本最早見到秋色嘅地區之一；相比之下，京阪神同東京市區嘅紅葉要到11月中下旬先見頃。想趁12日長假把握最早一輪紅葉，可以參考永安旅遊嘅北海道道東7天溫泉行程，行程涵蓋層雲峽、知床半島等自然名所，並入住溫泉酒店，啱曬想深度賞秋嘅旅客。

泰國10月正值雨季尾聲，天氣開始冇盛夏咁悶熱，係幾舒服嘅旅遊時節。曼谷嘅大皇宮、玉佛寺、鄭王廟等宮殿寺院集中喺舊城區一帶，好適合安排一日文化行程；想體驗水鄉風情，可以參加水上市場嘅小船遊，市區亦有多個大型購物商場同夜市，日頭夜晚都精彩。

想一次過玩勻曼谷同芭堤雅兩地，可以考慮永安旅遊嘅曼谷芭堤雅5天玩樂行程，除咗市區景點，仲會去水上市場、火車鐵路市場等打卡熱點，並入住芭堤雅市中心精品酒店，適合計劃泰國多日遊嘅旅客。

清邁以古城區密集嘅寺廟同悠閒節奏見稱，契迪龍寺、帕辛寺都係古城內步行可達嘅經典寺廟，金碧輝煌嘅蘭納式建築好值得慢慢欣賞。10月嘅清邁天氣開始涼爽，好適合租單車或者包車慢遊古城同近郊。

鍾意節慶氣氛嘅旅客可以留意：每年11月泰國水燈節期間，清邁會同期舉行萬人天燈活動，屬全年最具氣氛嘅節慶之一。實際活動日期同天氣狀況每年或有調整，出發前以泰國官方旅遊機構公佈為準。若想趁10月長假去泰國，市面亦有曼谷聯遊行程可選，可按實際日數向永安旅遊職員查詢配搭。

香港飛台北航程約兩個鐘，加上10月秋高氣爽、雨量比夏季少，係港人短線遊嘅熱門選擇。台北市區文化景點集中，士林官邸、國立中正紀念堂等適合安排半日市區行程，再配合淡水、八里一帶嘅河岸景觀，或者北投嘅溫泉區，就可以砌出一趟5日左右嘅寫意假期。

永安旅遊嘅台北5天行程有唔少選擇，例如台北加八里嘅深度遊路線，會安排入住國際品牌溫泉酒店，並串連淡水老街、漁人碼頭、九份同十分老街放天燈等經典體驗，一次過滿足購物、溫泉同打卡三個願望。

長假期出發前，記得逐項確認以下安排：

• 日本：持香港特區護照可免簽證入境，最長可逗留90日
• 泰國：持香港特區護照可免簽證入境，由2025年5月1日起，所有非泰國國民須於入境前3日內經網上填寫泰國數位入境卡
• 台灣：港澳居民須先於台灣內政部移民署網站免費線上申請入台證，辦妥後方可入境，請於出發前預先辦理
• 出發前確認護照有效期不少於6個月，最終能否入境由目的地出入境機關按個別情況決定

資料來源：香港入境事務處、台灣內政部移民署。秋季日溫差大，建議帶備輕便外套；泰國10月仍偶有陣雨，可帶備雨具。長假期機票及酒店供應緊張，建議提早規劃，亦可向永安旅遊職員查詢機票酒店套票及跟團長線行程嘅最新供應。