朗塞斯頓

我對本團領隊高小姐嘅敬仰就猶如長江江水般連綿不絕 又有如黃河河水泛濫一發不可收拾 簡單嚟講佢就係如來佛祖玉皇大帝觀世音菩薩指定隨團澳洲Tasmania暨Melbourne八日永安旅遊港島銅鑼灣百德新街分店恆隆中心商場高座Carmen高領隊 就似一塊凸透鏡咁 為老花嘅人 丫唔係 唔止幫到老花嘅人 係凝聚光線於一點 帶來溫暖 帶來指引之光 終整個行程而言 團友皆因領隊分享個人豐富閱歷而忘我 平時去旅行有樂而忘返 今團竟醉心於聆聽而將領隊團團圍住 裹足不前 久而不退 蔚為壯觀 又因人數過多 需分兩艘船遊河食海鮮 團友接近準備擲公字鋤大D五子棋包剪揼街覇’97五盤三勝遴選跟隨領隊 奈何要照顧不諳英文嘅團友 冇可能要佢哋獨自應對其他陌生旅客 正所謂今人乍見孺子將入於井 皆有怵惕惻隱之心 更何況唔係互不相識 而係萍水相逢嘅團友 百世修來同船渡 千世修正共枕眠 同團同車同酒店 同機共餐 八日 只能眼泛淚光忍痛割愛 喺呢一刻 應該播返首由flight facilities 唱嘅stay（留意返唔係Justin Bieber首Stay, 同名曲好多 今時今日搜尋器雖然方便 但同名曲仍然係一大煩惱 如果唔係親身於當地有幸聽到 或許我也不會知道佢存在 這趟旅程尚算開心 亦是無負這一生 如果餐廳用餐時可以聽到更多歌就仲好 例如有日去小鎮食飯 去酒吧聽到播歌 返回用餐位置則無聲 又有於Jail晚餐 廁所內欣賞悅耳音樂 回用餐位置只有喇叭發出難以辨識的聲音 美中不足啊 鄉村俱樂部有於酒店走廊播放八九十年代黃金時期音樂 惟過累而沒有坐在走廊細聽 實屬遺憾） -邊有人睇- 住身邊人痛苦乜都唔做丫? 常言道 打邊爐最緊要係個爐 但其實最需要係有好料 爐係重要但唔係必要 打邊爐只係烹調嘅其中一種方式 擺落口嘅係食物 唔係支丙烷丁烷氣 唔係個金屬鑊 係食物 人類賴以生存嘅食物 有料之人 則無論煎蒸炸燉炒 就算刺身都令食客食得津津有味 領隊則是這般奇材 樣樣皆能 八面玲瓏 立如芍藥坐如牡丹行如百合 離別時再來一首Europe的the final countdown 華麗金屬就如領隊般 華麗不用解釋 金屬就能屈能伸但堅硬 像歌曲前奏般 唯一無二 出眾 似中間solo 被播放無數次依然氣勢磅礡 引人入勝 雖然形容得就有如怪獸與他們的產地 主角指另一主角眼睛像蠑螈一樣難以理解 （補上一些旅程中難得聽見的歌曲）

行程比較怪 最繁忙嘅墨爾本星期日到 嘥咗 乜都冇 然後星期一仲遇上澳洲國慶 午餐自理比較傍惶 星期三beaches餐廳亦唔開 需要去附近另一亦唯一餐廳用膳 非常奇怪 搖籃山國家公園遠近馳名 但遊覽時間不足 只能到鴿湖打卡就離走 可惜 相片嘅話貼返每團都見位位團友冇八成都七成會影嘅相就冇意思啦 排名不分先後上下左右因為我唔肯定會唔會排亂 中間白花嘅係薰衣草園遠離商店位置 如果去薰衣草只睇薰衣草其實係幾浪費嘅 澳洲同紐西蘭因地理關係有好多獨特植物 雖然我就完全唔識分但望一望心矌神怡 索一索舒筋活絡勁過唐太宗膏啦 建築就攝於荷伯特 唔清楚係咩亦唔理 頂上波浪型設計 寫上希伯來文 仲有唔同嘅商業大廈住宅亦別樹一幟 尤其新式住宅 呢啲先係設計 唔係香港咁間間畫個冇用嘅窗台出嚟呃實用面積 一啲都唔實用 之後就係夕陽之後嘅鄉村俱樂部 唔對焦嘅係荷伯特嘅University Rose Gardens 近在咫尺 免費參觀 廿四小時開放 市中心行十分鐘就到 食物係印度咖哩 印度咖哩當然有唔辣而且係好普通嘅一件事 你話港式 泰式咖哩就唔敢保證 晚間食完海鮮船去 一邊用餐一邊睇埋住曾經最繁華嘅街 介紹返 mango chicken 同埋 chicken korma 後者大致上叫奶油雞 兩個都係甜嘅咖哩 其實除咗所謂西餐嘅澳洲菜 同埋中餐之外 仲有好多選擇 尤其係城市內 唔需要二元對立 日韓泰越土耳其 各有特色 再因異地而會迎合當地人口味 機會難得 無謂去搵啲食慣 同食咗幾十年嘅味道比較 所幸澳洲華人多 中餐唔會失水準 否則的話只用白飯填肚 何苦何必 草地上嘅“棉花糖” 私心 海鮮船上嘅聲納 海鮮固然重要 不過近距離睇揸船又有幾可? 樹 荷伯特嘅皇家植物園外 呢個比較難去 市中心徒步半小時 但因行程緊逼 落船後截的士 12澳幣 一遊呢個二百年歷史嘅植物園 飽覽奇花異草 值回票價啦 朗塞斯頓回墨爾本機上 少見嘅螺旋槳機 令人思考人類如何離開地面 到橫越大陸 飛機點樣演變 載更多人 更快 更遠...領隊當然就掂啦 泰山崩於前而面不改色 擅於應付突發情況 學富五車 相信做協調統籌亦有出色表現 婀娜多姿美麗動人 易跟團友打成一片 團友就算到達景點仍會圍在領隊附近暢談 實屬少見 平易近人 人見人愛 風趣幽默 餐點安排亦細心 即時翻譯更令團友更能理解各景點大小事 無可挑剔 更多更詳盡評價盡在

這個旅程過得非常開心和舒暢。Joyce身兼領隊及導遊非常稱職及專業。她很細心，每事都親力親為，我和丈夫到達墨爾本時因太累沒有跟她到超級市場。晚飯後她特登帶我倆到超市買東西。她在旅途中的講解及傾談有趣動聽，一點也不覺悶。我的行李喼在朗塞斯頓機場搬運其間爛了一個轆，回到香港機場時感謝Joyce親自帶我到 Qantas counter claim 保險。這次旅程安排非常滿意，下次旅遊我都安心交給永安辦理。