羅托魯瓦

第一次去新西蘭極之難忘, 感謝sylvia為我帶來生日驚喜, 預備咗小型蛋糕&小禮物。 未出發已經不斷提醒我們要帶什麼，關顧什麼，要做什麼， 令到我們十分之放心。 人生第一次坐直昇機，新西蘭環境十分美麗。 水果農莊 ，體驗即摘即食，超正＆甜。 去塔斯曼冰川， 很好的體驗，坐船睇藍冰， 感恩天氣能夠預期出發。 坐百年蒸氣船去一個美麗嘅小島食晚餐，好似童話世界一樣，非常之靚，還有表演剪羊毛。 Skyline搭纜車上去食自助晚餐，環境十分正，值得來。 新西蘭大自然既環境， 沿途都見到有羊群＆牛群， 感恩每天都有藍天白，有雨有彩虹。 有超過五年沒有參加永安旅行社，今次再次選擇，真是選擇正確，食住行安排都唔錯，有兩晚沒有熱水沖涼，十分不方便，旅遊巴士都舒適。 最後， 再次多謝sylvia一切嘅付出，細心，真心，聆聽，介紹 ，樣樣都好清晰，令到我們有個十分放鬆既旅程。 領隊sylvia嘅專業，值得表揚。

原定5月23號夜晚七點嘅晚上機，因航空公司問題， delay成九個鐘，24號早上四點嘅機先可以離開香港。 出發前Annie非常有責任心地聯絡各位團友，和我們解釋和道歉。但其實完全唔關佢事。 到達機場一見到Annie，估唔到佢係記得晒我哋所有團友嘅姓，叫得出我哋姓咩。我相信佢一定有用心去記過。 我好欣賞佢對客人嘅私隱嘅尊重。喺安排客房嗰方面，我已經知道佢嘅細心，並唔會喺大庭廣眾，所有團友面前透露客人私隱，客人嘅要求。呢個並唔係所有領隊都咁細心的。 佢亦都了解到每個團友嘅需要。例如是團友們在坐旅遊巴，有時會感到不公平，為何要坐前面或後面。在成個旅程中，她會調動我們的座位，讓我們感覺到公平。 到達皇后鎮後，因為天氣唔好，並不能在原定日子時間玩直升機。本身都有啲失望。冇諗過Annie佢會咁努力幫我哋去安排。最後能夠玩埋直升機同埋Shotover Jet。過程中知道佢和司機默默付出，來往地方接載團友，讓所有團友能夠玩到晒自己心目中嘅活動。 多謝佢嘅將心比心，會主動幫客人影照片，讓每一家人可以有自己的團體照，不需要只是自拍。亦多謝佢嘅心意，親手整了一張行程卡，和地圖，讓我們旅程完結後，也能從卡和地圖，記起自己去過邊度。 喺行程嘅開始時，我都有諗過遲咗九個鐘，實有好多行程會冇咗，但都覺得冇辦法，隨遇而安。結果係Annie嘅安排吓，除了胡卡瀑布，所有其他行程都追到了！真係完全冇諗過！ 多謝佢嘅專業和細心，希望在日後永安團入邊能夠再次遇到好像Annie一樣咁專業，咁用心，咁細心的好領隊！

新西蘭之旅開始於航班delay 9小時，完結於帶著滿滿開心回憶。對首次到訪的遊客來說，這團行程景點很滿意，可以從北島玩到南島，有不同景點的體驗。我們可根據自己興趣，自費在Queenstown的行程，安排更有彈性。每天的酒店住宿、旅遊車、膳食都舒適又美味。 特別一提是這團的領隊Annie Yam，很感恩遇上她為旅程增添不少樂趣。在長途車程中，她準備充足的介紹景點、歷史背景、地理知識等等，真的獲益良多。因為這團航班延誤，她盡力地幫助我們追趕行程，也用她專業的在地經驗，安排30多位團友順利地參加活動。另外每天的安排也會清楚向團友交帶，WhatsApp再公布確保所有人收到資料，如有疑問也很快回覆很盡責，整個旅程都十分安心。Annie亦很主動幫團友拍照，希望我們留下更多開心回憶，旅程完結時更送上驚喜心意卡，十分感謝這份的心意，很用心又窩心。 很多年沒有跟團了，這次因為和家人去旅行，為方便所以報團。整個旅程比想像中滿意，其實也有點改變了我對跟團的想法，真的希望有機會可以再跟Annie做領隊的旅行團！:)