上海

我很開心能參加這次華東旅遊，來回乘搭國泰航空。行程包括：蘇州、無錫、杭州、烏鎮和上海。除了品嚐豐富美食，還使我們沉醉在江南美景中！ 謝謝永安旅遊！謝謝領隊彤彤及導遊鮑鮑這6天旅程的專業及細心的安排，不單關顧年長的團友，也帶給我和39位團友無限歡樂和驚喜！

今次旅行團整體都幾滿意。 行程方面，每晚都要轉酒店，每日朝早 6 點左右 morning call、8 點集合，所以都真係幾攰 😵‍💫 通常都係先去購物點，午飯後再加埋車程先去景點（胡雪巖故居行程除外），所以真正在景點影相，多數都要等到下午 3 點之後。變相主要都係影弱光、黃昏景，去到上海就啱啱好影夜景 🌃 一早起身去室內購物點，對我嚟講都算係一個幾新鮮嘅體驗。 全程一共有 4 個購物點。最意想不到係「杭州龍井名茶專賣店」，原來主力唔係賣茶葉本身，而係賣茶葉相關科技保健品，原本仲以為可以睇吓炒茶、學習如何品嘗龍井，結果最後就只有一種「明前龍井」可供購買 😅 😅 😅 住宿方面真係值得讚 👍 酒店安排一流，乾淨整齊，房間又夠大，打開行李箱都好方便。最後一晚住和平飯店，呢個真心正 ✨ 膳食方面，只有一餐午餐有少少失望，其餘基本上都有水準，味道唔錯，而且餐餐都食得飽，魚蝦蟹、豬牛雞、蔬菜，連鮑魚都有 😋 第一晚落機就去濮院，舟車勞頓後食到一餐有驚喜嘅晚餐，食完仲可以去散步，爽呀～ 旅遊車係 2+1 座位，座位夠大，但就冇乜位擺背囊，如果途中買咗嘢會更加唔夠位，呢點要留意 🚌 另外一定要讚領隊 Sally，非常 helpful，對團友要求都好盡力幫忙，做事又細心 ❤️ 導遊小青都好專業，身經百戰，安排得好順，仲經常談笑風生，令成個行程愉快又順暢 👏 整體嚟講，住宿、膳食、領隊同導遊表現都令人滿意。只要唔介意每日都要早起去購物，同埋景點多數安排喺下午，其實都係一個唔錯又超值嘅旅行團 👍

領隊Rainbow非常細心，每日都做好準備，詳細寫好每日酒店所需資料，每餐都為我哋安排妥當才安心用餐，每個景點都會守護住全團人，總而言之Rainbow 非常盡責，令大家都非常安心及開心。而導遊小江同樣都非常好，除高大威猛能夠一眼就望見佢之外，佢說話幽默風趣介紹周邊名勝非常吸引，永無冷場。至於司機駕駛穩定能比我哋安全感。我覺得今次我哋一行十人非常滿意及開心，期待下一次嘅旅程。