天津

我想特別表揚領隊 Ricky！在這趟旅程中，他的盡心盡力與專業態度令人讚賞👍🏻 一路上他對大家照顧有加，細心留意每位團友的需求，讓人非常安心💗 除了基本的資訊以WhatsApp迅速的發送以外，每到一間酒店還親自逐個房間敲門查問是否完備；每早親自來電morning call，這真的並非每一位領隊能夠做得到的👍🏻👏🏻 更窩心的是，他還花心思為我們製作了旅程精華，記錄了無數珍貴瞬間，實在太有紀念價值了！ 同時，導遊和旅遊巴士師傅也都超級讚，專業盡責，沿途照顧周到。感謝這組完美的黃金搭檔，帶給我們這麼棒的體驗！

今次的天津，唐山，承德，古北水鎮，北京8日團玩得超級盡興！首先，我想讚揚領隊Ricky Chan，真係好盡責，每日朝早親自morning call我哋，每餐飯全部上曬，settle好，他同導遊先至去吃飯，每到一處景點，待解散自由活動時間，都會幫我影相，提出的要求都會盡力滿足我，真係好盡責！其次，講到導遊熊確，說真果句，我到北京玩跟團的其中一個原因就是北京的歷史文化相當豐富，想同導遊學多啲嘢，但係機場第一眼見到他的時候，我仲覺得點解咁後生噶，有啲靠唔住的感覺，但係8日的旅程落來，我真係唔敢相信，年紀淨係大我兩年的男仔，竟然閱歷會如此豐富，學識如此淵博，每一個景點的文化知識，不但在就快到達景點的時候係旅遊巴上講，落車之後亦都帶住我哋逐個景點進行講解，尤其昨天上午行故宮，烈日當空，他就帶著我哋連續差唔多三個鐘頭，行到邊度，就講到邊度。可惜時間太短暫了，8日的時間遠遠講唔完，一個禮拜落來，我感覺自己又增咗唔少值。再次，我想讚揚一下司機趙凱歌，我跟過咁多次永安團，他是最負責的司機，每日會將我哋車上的垃圾清理晒，每日朝早我哋上車出發前，他會係我哋每個座位都插上兩樽水，每次上車落車的時候，他會最先落車幫忙看住老人家，一直會叫我哋小心啲，慢啲咁樣，一般的司機好少會咁做噶。最後，想讚揚一下飲食，好多當地的特色菜，每一餐我都吃得好飽，超級無敵滿足，雖然北方煮嘢本身會重口味啲，食到今日返香港，我的喉嚨已經生咗粒大飛滋，但係間中入鄉隨俗下都係一個唔錯的體驗。總而言之，這8天的旅程雖然我行到腳痛，皆因行程真係太豐富啦，但係痛並快樂著，哈哈哈😄！來緊8月中又跟永安團去澳洲啦，再接再厲！

領隊Vivin非常盡責，工作認真，熱心幫助團友解決問題，上下車都扶住我們長者，工作認真勤力，值得嘉許！導遊烈哥講解清楚，令團友明白北京歷史文物，司機馮師傅，駕駛穩定，時間掌握很好，不用團友久等，三位工作人員都值得嘉許！下次旅遊都要跟永安，再跟Vivian同行