廈門

我和弟弟参加了永安旅遊3月31日至4月3日的廈門、漳州、南靖雙土樓4天高鐵休閒遊. 旅行團共有29位團友, 算是人數較多的一團. 在領隊 Pully LAM 及導遊黃沛蘭的帶領下, 全團雖然有老有幼, 也有行動不便的, 但全程沒有人走失過. 領隊和導遊非常配合, 一個帶前, 一個守後, 行程得以圓滿完成. 由於期間經常下雨, 領隊和導遊巧妙地將本來第一天的夜遊雲水謡古鎮項目改在預測比較晴朗的第二天進行. 在此不得不稱讚導遊黃沛蘭, 她全程表現出具有豐富的歷史知識和非常了解當地的風土人情, 在旅遊巴士行駛期間, 她不斷的將她所知道的告訴大家, 聽她講話後, 我們真是得益不少. 由於導遊對每個景點都非常熟悉, 她將每一個好的打卡位推薦給團友, 並為各團友拍照. 最令我感到窩心的是她每天早上都為大家預備一壼名茶, 逐一為團友奉上一杯熱茶. 在早上喝一杯茶, 頓感特別滿足. 總的來講, 我和弟弟都很享受這次旅程. 感謝領隊 Pully LAM, 感謝導遊黄沛蘭.

今次從廈門、金門及鼓浪嶼的旅程圓滿結束，整個行程安排非常出色，令我與內子十分滿意，絕對值得一讚！ 特別要讚賞導遊邱曉偉先生，他對當地歷史文化的講解非常詳盡生動，不單止內容豐富，而且條理清晰，令整個旅程更具深度與意義。無論是景點背景還是歷史故事，他都能娓娓道來，讓人聽得投入又長知識。同時，他做事細心周到，對行程安排掌握得非常好，令人感到安心又放心。 另外，領隊 Jasmine Zhen 小姐同樣表現出色。她工作能力強，處事細心，對每位團友的需要都觀察入微，總能及時作出照顧與安排。她事事親力親為，無論大小事情都盡心處理，展現出極高的責任感與專業精神，令整個團隊氣氛輕鬆愉快。 整體而言，這是一個安排周詳、內容豐富、服務貼心的優質旅程。能遇到如此優秀的導遊及領隊，實在是旅途中的一大幸運。衷心感謝他們的付出，令這次旅程成為一個美好而難忘的回憶！👏👏👏

領隊廖小姐全程照顧有加，主動細心，團友們查問過嘅事都必定會跟進解決，絕對係一位值得加許嘅領隊 。 永安安排咗兩位能講流利粵語嘅本地導遊，真係非常親切。無論係聽導遊講解安排或介紹名勝，抑或同佢(哋)閒談聊天，我哋都十分輕鬆自在 。 膳食方面份量「十五分」足夠！我哋團人數唔算多亦唔算少，每圍枱八位團友，但每餐上桌食物嘅份量估計十二人都夠食 。想建議旅行社喺行程經過第一或二日之後「即時」作出膳食檢討和調整，假如每餐預算係固定嘅話，可唔可以喺「質」與「量」之間搵個更合適嘅安排，等唔使做成食唔晒嘅情況？ 觀光方面，本團首個參觀名勝係「土樓」，或者當天出發時間甚早（朝早六點前已需要到西九龍高鐵站排隊入閘），雖然參觀土樓全程時間約兩小時長，但當時狀態，體力有限，感覺上（純個人睇法）土樓部份可縮短三分之一，八十分鐘已經好足夠。 武夷山部份印象十分好，風景優美，市容舒閒，建築新簇，仿古特式倍添慢活風情，九曲溪嘅竹筏漂流旅程「峰」明水秀，令人心曠神怡，回味無窮。 喺武夷山去睇咗一個自費表演，叫《印象大紅袍》，係張藝謀製作嘅，非常好睇。我估會唔會係一啲「商業因素或考量」，旅行團介紹之中唔覺有提及，但其實個表演真係好值得去欣賞嘅，因為佢嘅製作係牽涉到當地大自然嘅特色，無可能喺其他地方表演得到，情形就似「幻彩詠香江」一樣，一定要係喺香港維多利亞港「表演」先成事。講返《印象大紅袍》個show，如果旅行社有預先提及，團友們就可以有更多時間自己去計劃。呢一點旅行社嘅安排令我有點費解。 整體行程除咗搭高鐵部份較頻撲之外，觀光都算輕鬆自在。但如果可以修改路線，回程時慢慢玩返轉頭，而唔係搭一程接近七個鐘嘅高鐵，相信會舒服好多。今次回程從上車到落車包括轉車時間足足6小時50分鐘（未計提早到出發車站侯車及抵港後嘅過關時間），真係十分之攰。整個旅程就因為最後嗰大半日高鐵車程嘅疲倦將之前嘅美好回憶多多少少都又扣咗啲分去。 總結：領隊盡責，導遊做足，行程豐富，美饌佳餚。