青青世界

其實現場買票也只是80人仔，向**.com買只是方便了，但便宜不了多少（少於10%），沒來過值得一來，但也不算方便港人，因為地鐵要去到5號綫荔灣站再花1人仔坐穿梭巴士，羅湖到荔灣要轉綫之餘有27個站，真係幾遠下，如沒來過可以一遊，但來過就再來不來就見仁見智，蝴蝶園不大，蝴蝶種類也不多，最多就係大帛斑蝶同淡紋青斑蝶，還有D枯葉蛺蝶、玉帶鳳蝶、端紫斑蝶，我只見到咁多，食物飲品就不算貴，但飲品可能流量大，都唔凍，換了也美不多。最好就是熱帶雨林的人造彩虹及巨象魚，巨象魚比廣州的大，但池水頗混淆，影相就效果好一般，另外有些小動物及禽類，但飼養環境好麻麻，好濕好髒，連火雞、白鴿都養埋，唔係啩，當人大鄉里咩！孔雀就隻隻無尾，養得好差，貓頭鷹最搞笑放在飼養籠中原來是標本，最值得讚是休息凳子好多，廁所也好多好方便，坐廁也有，香港人不習慣蹲廁的。有個表演劇場，以為有些特別表演，原來是演白雪公主，也就是港人的雪姑七友，看了一會，黑心皇后大讚白雪公主頭髮烏黑，轉頭白雪公主出場卻是個金毛妹，好心戴個里假髮啦！這麼馬虎不看也罷，一些機動遊戲都好簡單，也只是為小朋友的，有個叫彩虹滑道，成人收五十人仔，都幾貴下。

好值得嚟嘅一個地方

一開始的侏儒紀和森林很美，但之後的景點比較無聊適合家長帶小朋友，但一開始的景點已經值回票價！

好舒服嘅地方

雖然園區好大，真心話...因為我好鐘意睇花，所以我都去左多個公園或者園區，但好少用差嚟形容一個景點，但青青世界絕對係我一定唔會再去嘅地方，用70RMB購買入場券感覺受騙，有個所謂熱帶雨林，有個假到不得了嘅侏羅紀園區，蝴蝶園無蝴蝶😅植物同花嘅種類唔多，有D仲要係假花🤦🏻‍♀️其餘就係睇下動物咁囉…無咩特色，可能有小朋友嘅家庭會比較適合，若果大朋友想行公園想賞花我真心建議情願去仙湖植物園或者荷蘭花卉小鎮，總結就係嘥錢，浪費時間，地點亦都唔方便。