哈馬邁特

今次參加咗永安旅遊8天突尼西亞團，咁大個仔第一次參加旅行團，體驗唔錯，好多地方都好方便一站式服務。先講行程方面，去嘅地方都比較安全同埋有價值，全程嘅行程都好順利，不過如果可以加啲自由時間就更好，同埋太早返酒店。食物方面都啱香港人口味，夜晚多數食自助餐，午餐多數食3 courses，大部份餐廳嘅環境都優美，遇上齋戒月好多餐廳都淨係招待我哋，服務唔錯。酒店住宿方便，住嘅都係當地五星酒店，外觀都算靚，內裏設施比較陳舊，但都過得去，每晚都瞓得幾舒服。當地司機專業有禮，每日來回車程起碼3小時以上，過程都算舒服。領隊同導遊方面，領隊Dennis 專業，去前做足功課，喺車同埋景點上介紹咗好多當地嘅歷史文化，佢都好照顧年紀比較大嘅團友。當地導遊Mondher都好親切，主動會同唔同團友傾偈，做唔同嘅介紹。團友方面就大部份都好好，好隨和好親切，感恩有各位一齊愉快渡過呢個假期～ 最有驚喜就係呢個地方好多貓貓，令人好治癒❤️😙

遇上了齋戒月，真的連KFC都唔開，好在是跟團，所以都安排到餐廳吃飯，海邊的酒店真係幾靚又有沙灘 ，尤其是最後一晚的酒店，今次真的要謝謝Dennis 及Mondher，媽咪唔小心整親隻腳，他們每到景點都會特別提醒媽咪可否去，如行得多都會找地方俾媽咪等我們回來，Mondher同司機都會倍佢，真的麻煩晒🙏🏻，另外，Mondher都好積極介紹的突尼西亞的歷史及特色，Dennis仲好好，幫我們全程翻譯廣東話，大家都聽得好開心，真的申苦晒🙏🏻，悠悠閑閑慢活地玩咗八日，真的幾好。 最後仲收到Dennis自製得短片，好開心，精華了所有靚景，感覺你👍🏻，有機會改跟你去玩。

首次踏足非洲大陸，旅程展開之前已經非常期待😍 領隊係出發之前幾日已經WhatsApp 我地旅程既注意事項、細節、車程長短，等我可以提前準備零食喺車上面食😆 旅程期間Dennis不斷同我哋分享突尼西亞既歷史、戰爭、對行程非常之熟悉，亦都清楚知道每個地方景點係邊一個角度影相係最靚🧡 記得係吐澤酒店，我地房門個電子門鎖鬆，Dennis立即幫忙同酒店講安排維修，最後Dennis 驚我哋唔放心，主動問我地有冇需要更換房間，真係好細心💛 旅程結束之際，收到Dennis 私人送上既行程回顧，入邊有晒我哋咁多日既行程嘅精華，日後睇返即刻回憶湧現🫶🏼 今次跟永安旅遊玩得好開心！