突尼斯市

領導Finger 十分細心，有經驗，行程安排恰到好處，時間控制得很好，每個景點不會太匆忙，又不會太冗長，帶著我們去了很多美麗的地方，還掌握好時間可以看到日落。我們有什麼需求，Finger 都盡力為我們安排，十分有耐性、盡責、Helpful，亦能解答我們所有問題！旅遊巴坐得很舒服，突尼西亞的風景很美麗，所到之處盡是美景，真是喜出望外，是一個性價比很高的團，很高興這次跟永安去了突尼西亞這個地方，第一次踏足非洲的土地，我們有一個非常難忘的旅程，謝謝永安的安排，謝謝領導Finger 😊

第一次踏足非洲土地，由落後d嘅大自然景玩到城市中嘅博物館，好有文化衝突。去到發展中國家，領隊Warren對團友們好照顧，房間有咩問題都會盡量幫手，有啲團友對食物有少少唔慣，但係都會盡量協助。導遊Abdallah入行過二十年，係當地人之餘亦都對自己國家嘅文化同歷史好了解，每一個地方都可以幫團友解答問題，而且解釋得好詳盡！

今次參加咗永安旅遊8天突尼西亞團，咁大個仔第一次參加旅行團，體驗唔錯，好多地方都好方便一站式服務。先講行程方面，去嘅地方都比較安全同埋有價值，全程嘅行程都好順利，不過如果可以加啲自由時間就更好，同埋太早返酒店。食物方面都啱香港人口味，夜晚多數食自助餐，午餐多數食3 courses，大部份餐廳嘅環境都優美，遇上齋戒月好多餐廳都淨係招待我哋，服務唔錯。酒店住宿方便，住嘅都係當地五星酒店，外觀都算靚，內裏設施比較陳舊，但都過得去，每晚都瞓得幾舒服。當地司機專業有禮，每日來回車程起碼3小時以上，過程都算舒服。領隊同導遊方面，領隊Dennis 專業，去前做足功課，喺車同埋景點上介紹咗好多當地嘅歷史文化，佢都好照顧年紀比較大嘅團友。當地導遊Mondher都好親切，主動會同唔同團友傾偈，做唔同嘅介紹。團友方面就大部份都好好，好隨和好親切，感恩有各位一齊愉快渡過呢個假期～ 最有驚喜就係呢個地方好多貓貓，令人好治癒❤️😙