怡保

馬來西亞歡樂隨團之旅 – 感謝永安專業團隊 第一次去馬來西亞，真係好開心遇到永安咁優秀嘅團隊，成個行程都玩得好盡興！ 導遊 霞霞：講解風趣又生動，沿途介紹咗好多豐富嘅歷史背景同馬來西亞特色，原本漫長嘅車程完全唔會覺得悶。而且好用心，時時刻刻提點大家注意安全。 領隊 Nikki：非常有責任感，細心照顧每一位團友嘅需要，影嘅相都超級靚！ 旅遊巴司機：技術超好，揸車非常穩陣。遇到窄路要過彎或者同大車交會嗰陣都極之謹慎；仲好貼心咁每次都儘量泊近啲，方便大家上落車，唔使喺大熱天下行咁遠，呢點絕對大加分！ 行程與美食亮點🍴 整體行程主要係打卡同食好嘢，落車影相玩完之後，就可以隨即上車休息吹冷氣，節奏輕鬆舒服。團餐安排得極之豐富，如果係自由行嘅話，真係好難體驗到呢啲咁有特色嘅餐廳。 美食第一名：第四天嘅 M公館 午餐真係大驚喜，每道菜嘅擺盤同味道都極具水準！ 特色餐點：第一晚嘅 花木蘭娘惹餐 好地道，蝶豆花飯同豆蔻蝦都非常出色；第三天嘅 怡保原木咖啡館 環境好靚，好適合喺長途車程中落車放鬆下、食吓嘢同影相。 最驚喜菜式：第三天怡保喜來登嘅筍殼魚，肉質滑嫩又好味。 其他個人感受 購物時間：TRX 其實好高質，停留時間唔夠，仲有好多店無時間行，之後去 Outlet 同機場都見唔返，有啲可惜。 用餐環境與菜色：喜來登冷氣唔係幾夠，地方大又開唔夠冷氣，只係開風機，加上之前坐咗一陣長途車，影響到用餐嘅舒適度；第四晚嘅蘇浙苑就相對失色，上菜碟太大影響到個轉盤，同埋除左雞肉好食之外，其他菜色記憶點唔算大。 酒店體驗：兩間酒店嘅早餐都豐富又好食。 檳城 Angsana Teluk Bahang 房間大又面向大海，非常放鬆；吉隆坡 Parkroyal 整體質素好高，唯獨浴室用咗半開放式淋浴門，沖涼嗰陣好容易整到啲水濺出嚟。 總括嚟講，呢趟係一程非常滿意同埋開心嘅旅程，真心感謝帶團團隊嘅付出！

今團最好就係食得好 住好 非常感謝領隊Nikki同導遊霞霞悉心照顧 Nikki同霞霞仲會提我地想游水就今日聽朝遊多啲 因為之後出去玩係咩時間 好貼心幫我地諗埋 又比埋建議邊啲抵買 邊度值得逛 超級好的組合💪🏻💪🏻 食方面 每一餐安排都極好 花木蘭娘惹菜夠地道又好味 第一次見藍色蝶豆花飯 裝修夠古典 打卡一流 海峽灣中菜嘅龍蝦拼盤好驚艷 怡保喜來登中菜荀殼魚又滑又鮮 大頭蝦勁好味 M公館fusion菜好睇又好食 非常有驚喜 最後個團餐蘇浙苑雖然米芝連上海菜 但反而對比返前面有少少失色 可能啲口味比較淡 突然間我哋又唔慣 但個雞真係好滑今朝打完up嗰陣 檳城新世界大排檔式熟食中心 啲嘢夠地道 好多馬拉小食都試到 氣氛又正 咖啡館嘆馬拉地道下午茶一流 夠chill又好適合打卡 如果唔係跟團我諗我都可以chill半日 阿羅街多謝導遊霞霞介紹 成條食街咁長都好彩無中伏 揀左好出名嘅黃阿華試左燒雞翼燒魔鬼魚串燒同少棵條👍🏻食到暫時人生最好食又抵食嘅黑刺 自己睇相 靚到癲💖 住方面 酒店豪華舒適乾淨 兩間酒店環境都好好 有泳池 gym房 Nikki同霞霞都好細心好貼心 儘量安排時間比團友係酒店chill 日日都有時間比我地chill下落泳池浸下水 咁靚嘅酒店唔嘆下齋瞓真係浪費👍🏻👍🏻👍🏻 行程方面 景點都好豐富 霞霞同Nikki安排妥當 睇左好多景點打卡位 有啲景點連貫 下下坐車反而又上又落麻煩 行入街道先可以感受到當地生活氛圍 整體都非常舒服🏖️ 交通安排方面 司機哥哥手車超穩 專業又令我地放心 好有安全感 新車冷氣又夠凍 座位又ok 全個旅程一架好車真係好重要 本來我對依個團無咩期望 都係平常心嚟行個圈 結果完全超出我預期 處處驚喜 我就本身揀左90張精選相 最衰只能貼9張上嚟

這趟馬來西亞之旅物超所值，性價比極高！ 以這個團費來說，行程安排非常豐富緊湊，基本景點都有去到，特別推薦霹靂河遊船觀鳥的行程，非常值得一遊。住宿和飲食的質素都完全超出預期，高於同等團費應有的標準。 ​ 導遊專業又親切，解說拿捏得剛剛好，既不會講太多讓人覺得枯燥，也不會太少而錯過景點背後的歷史文化。​領隊亦非常盡責，全程提供的資訊清晰明確，讓人感到十分安心。 ​整體來說，無論是行程、食宿還是團隊服務都令人相當滿意，是個非常完美的初訪馬來西亞體驗！