西安

今次參加永安旅行社5天中原古都西安團,出發前收到領隊Katy Fong信息,詳細講述天氣,集合時間,細心提醒及注意事項。 當去到機場見到領隊係個小妹妹,當時真係有啲擔心,原來喺五日嘅行程,我感受到領隊 Katy Fong,導遊/ 黎煥君 & 劉銀橋 在行程上嘅安排每一個景點都恰到好處,沿途講解景點充實生動領我哋對景點歷史穫益。 旅程中 Katy 細心周到,無論過關手續, 酒店安排,餐飲細節, 集合時間, Katy 都處理得井井有條, 表現出佢專業同埋責任感,喺旅途中對團友照顧周到,令到旅程完滿結束體驗非常愉快。 非常感謝 Katy 細心照顧,令我哋感到賓至如歸。希望永安讚賞及鼓勵Katy繼續用心及專業做好領隊工作,令永安業務蒸蒸日上成為旅遊業表表者,我哋下次跟團旅遊都會首選永安。

整個旅程都很滿意，唯一改善地方，係商場火鍋自助餐， 食物衞生問題，海鮮不新鮮，冷藏方法不安全 人客安全問題，通道不算闊落，職員人客你來我往，易生碰撞 希望貴公司不要安排這一類別餐廳 5鑽團，如果要食呢類, 自己北上深圳都可以了

參加咗06-10/05西安升級五天團CLSSD05VT, 首先要讚今次旅遊車係2+1新車款，車籠寬敞新淨，坐椅闊落，坐椅背套上永安貓團長ICON頭枕套，整齊乾淨，每個座位邊有超快充電USB，最貼心嘅係車上有雪櫃，司機哥哥一早雪定礦泉水，炎炎夏日行完景點，上車即刻有冰涼嘅礦泉水飲，一個字：爽啊！呢樣係我感受到呢次行程嘅第一個升級點👍。 餐食方面就感受到第二個升級點，餐廳唔係一般團餐餐廳而係選用網紅餐廳及當地人熱捧嘅特色餐廳，而且全部都係包房，提升團友用餐私隱且與體驗當地歷史文化融為一體。 而第三個升級點先係最精髓，就係今次旅程嘅服務團隊，領隊遵遊司機鐵三角，先講領隊ALEX CHOI,由出發前嘅行程注意事項提示到每日嘅WhatsApp 溫馨提示盡顯專業盡責，同埋年紀輕輕，卻有豐富嘅歷史知識，去景點途中照頋團友之餘，仲同團友分享歷史故事。而在試著古裝體驗時，ALEX更化身為跟拍攝影師為團友影相，仲教埋團友擺pose,令團友體驗升級👍👍 對於團友嘅個別需求，佢都係有求必應。 當地導遊西安女神粵語導遊一姐丹丹姐（王丹）亦係今次升級旅程嘅一絕，由外至內都令人眼前一亮，外表人靚聲甜，內𥚃係一本陝西歷史百科書，佢唔係好似其他導遊嚟到博物館門口講幾句就由團友自己入去行，而係逐個展區展品講解導賞，而且講解清晰有趣，最精彩係佢以棟篤笑方式講訴中國歷史，詼言諧語中將一個個成語點故印入團友腦海，佢嘅一句洗腦式”巔峰時刻”鼓勵怕羞嘅團友體驗古裝的金句，為原本看似枯燥嘅古都之旅增趣唔少👏👏👏。 司機哥哥除咗每日淸潔車箱，雪定礦泉水，搬行李之外，落車時佢會第一時間企係車門口扶團友落車，呢樣我係第一次見司機咁做要讃一讃， 總之，呢個係一個真正嘅升級之旅，行程內容豐富而悠閑，處處盡現永安團友的尊貴同永安對團友嘅貼心，天氣炎熱，永安為團友準備咗有乾濕紙巾及小折扇的禮物袋，適逢母親節又準備母親節禮物俾團友。唯一有少少可提升之處就係喺可行嘅情況之下增加大唐不夜城嘅遊玩時間，因為真係好精彩。