大閘蟹優惠

【大閘蟹優惠】古有詩人持螯賞菊,今有港人賞景品蟹,意景雖有差但姑勿論時代,世人對大閘蟹的熱愛絲毫不減。每逢秋令時分(農曆8-10月)都是食大閘蟹的好時節,今次小編就為大家嚴選7大必食大閘蟹優惠推介,從老字號、新派餐廳至米芝蓮食府通通奉上,即睇內文發掘更多大閘蟹優惠資訊。 | 撰文:Nathaniel、Banner圖:Agnes Lui

  • # 下列產品優惠價僅供參考,一切售價以預訂為準。

🦀 海雲天

打頭炮的是九龍海逸君綽酒店旗下餐廳海雲天推出「完美蟹逅」的大閘蟹優惠,現時經永安旅遊預訂只需⭐️$468歎盡9道特色大閘蟹料理,當中包括:生拆蟹粉蒜茸包、雙色蟹粉小籠包、功夫蟹肉羹、清水大閘蟹、古法蟹粉芙蓉撈麵等;至於大閘蟹品種,⭐️海雲天嚴選江蘇大閘蟹,隻隻足5両重份量十足,蟹肉鮮嫩甜美,保證你一食愛上。

大閘蟹優惠
【大閘蟹優惠2021】圖片來源:海雲天提供
大閘蟹優惠
【大閘蟹優惠2021】圖片來源:海雲天提供

【大閘蟹優惠2021】海雲天資訊

  • 地址:九龍紅磡德豐街20號海逸君綽酒店二樓
  • 電話:2996 8460
  • 營業時間:10:30AM – 10:30PM

🦀上海新大眾大閘蟹專門店

齋睇其名一定會萌生「自己的蟹自己煮」的想法,但不少人認為處理程序相當麻煩,故「上海新大眾大閘蟹專門店」推出大閘蟹優惠方案:⭐️90分鐘大閘蟹任飲任食放題,$358起即可品嚐黃多油滿又肥美的大閘蟹,重點是居然可以無限追加大閘蟹(公乸任選)與蟹粉前菜,⭐️提供生滾大閘蟹粥、蟹膏炒臘味糯米飯、蟹粉扒伊麵、蟹粉扒時蔬等多款蟹製特色美食。縱橫市場多年的老字號果然懂得顧客需要,難怪開業多年仍深受大閘蟹迷歡迎!

大閘蟹優惠
【大閘蟹優惠2021】圖片來源:上海新大眾大閘蟹專門店 Facebook

【大閘蟹優惠2021】上海新大眾大閘蟹專門店資訊

  • 地址:黃大仙飛鳳街46號
  • 電話:2614 3221 / 2419 1208
  • 優惠期:即日至2021年12月10日
  • 營業時間:6PM – 12AM(入座起計限時90分鐘)

🦀 囍慶

主打粵菜的囍慶集團近日亦推出「蟹逅盛宴」,價錢經濟實惠但菜餚絕不馬虎,為你帶來視覺與味覺的雙重享受。一次過品嚐9道精美蟹料理,提供囍慶三小碟、雙色蟹粉小籠包、江蘇大閘蟹(兩隻)、黑椒燒羊架伴薯蓉、蟹粉糯米飯等菜式,食足11種不一樣的滋味。⭐️現時經永安旅遊預訂只需$368即可歎盡上述優惠,仲唔快啲約埋親朋好友共聚?

大閘蟹優惠
【大閘蟹優惠2021】圖片來源: 囍慶集團提供

【 大閘蟹優惠2021】囍慶 @沙田科學園資訊

  • 地址:科學園科技大道西1號核心大樓二座
  • 營業時間:9AM – 11PM

🦀 Pho 星登陸越球

Pho 星登陸越球位於九龍灣E-Max,因新派越式料理而深受港人歡迎。近日搞搞新意思推出⭐️「88分鐘大閘蟹越式小食放題」,$353起即可任食江蘇大閘蟹、滑嘟嘟蟹粉鴨血、蟹粉粥、蟹粉水餃等,其大閘蟹更可達6両重,隻隻鮮嫩甘甜,蟹膏濃郁。仲可以同時歎埋高質越南菜,包括:越球春卷、沙爹串燒、香茅雞翼、Pho星生熟牛河、龍眼冰等。

大閘蟹優惠
圖片來源:pho_star_hk @IG

【 大閘蟹優惠2021】Pho 星登陸越球資訊

  • 地址︰九龍灣展貿徑1號E-Max國際展貿中心2樓25號
  • 營業時間:11AM – 12AM(星期一至日)

🦀明閣

若然想要慢慢歎啖啖鮮甜肥美的大閘蟹,康得思酒店旗下的米芝蓮餐廳「明閣」絕對是首選。 明閣主打粵菜,由2009年起入選米芝蓮成為城中數一數二的星級餐廳,今次的大閘蟹宴⭐️以時令大閘蟹再搭配魚子醬、燕窩、龍蝦等多款矜貴食材,炮製出「蟹粉小籠包」、「清蒸太湖大閘蟹」、「蟹粉蟹肉燕窩羮」等6道菜餚,大閘蟹隻隻足5重,每位都是$1288,絕對超值!

大閘蟹優惠
大閘蟹優惠

【大閘蟹優惠2021】明閤資訊

  • 地址:香港九龍旺角上海街555號6樓
  • 電話:3552 3300

🦀等等 HEA

九龍城出名多好嘢食,今次介紹的台式料理餐廳「等等 HEA」近日推出88分鐘無制限大閘蟹放題,⭐️$353起任食江蘇大閘蟹,提供蟹粉花枝丸、台式腸蟹粉糯米飯、生滾大閘蟹粥等,仲有超過40款台式小食與特色茶飲;順帶一提,其大閘蟹為3至6両重,蟹身飽滿紮實,蟹膏豐脥油香,近乎入口即溶,讓人食過返尋味!

【大閘蟹優惠2021】等等 HEA資訊

  • 地址:九龍城福佬村道41號地下
  • 營業時間:11AM – 10PM

🦀金兜記海鮮菜館

提到大閘蟹又點少得「金兜記海鮮菜館」,以傳統粵菜作招徠,對於鍾意叫餸食飯的朋友絕不陌生,每逢大閘蟹季節都會推出限時任食優惠。今年再譽歸來,為閣下準備了⭐️7道菜式的2小時「任食」大閘蟹宴,二人同行、大小同價每位$398,品嚐花膠燉響螺湯、黃金蝦球、清蒸大閘蟹、生炒臘味糯米飯等等,仲準備埋逐寒薑茶等你暖入心坎。

大閘蟹優惠
【大閘蟹優惠2021】圖片來源:金兜記海鮮菜館 Facebook

【大閘蟹優惠2021】金兜記海鮮菜館資訊

  • 地址: 灣仔灣仔道3號
  • 電話:3907 0878、9565 1237
    • 任食大閘蟹優惠只限晚市供應,分為 5:45PM-7:45PM(A時段)與 8PM – 10PM(B時段)