繼搬左個威尼斯到澳門之後，今次金沙城就決意搬埋巴黎過來，仲原版1:2空降咗巴黎鐵塔到路氹城，自然成為今期最人氣的話題。
今次小編就帶大家去感受巴黎人的氣息，登上巴黎人的鐵塔。
巴黎鐵塔入口位於六樓，所以必先經過購物中心。
甫踏進酒店大門就有一絲懷疑自己係咪置身歐洲，因整體設計係仿照法國梵爾塞宮風格，又華麗又有氣派，但又唔會有任何山寨或者俗氣的感覺。
商場與酒店相連，餐廳商店都係大眾化品牌，另外加入大量法國本土的品牌。
好多雖然都唔係知名大牌，但反而唔會撞款，價錢合理，要知道低調的時尚才是皇道。
鐵塔門票分開兩種︰
7樓觀景台
7樓 + 37樓觀景台
7樓觀景台由鐵塔延伸的長廊開始，低炒可以影到鐵塔全景，但假日相信會有大量路人攝鏡。
長廊仲打造咗愛情鎖橋，等各位情侶可以喺鐵塔下留低愛的印證，愛情鎖可以自己帶或者現場買個巴黎人特別版亦可。
經過長廊就會行到鐵塔底部，一抬頭就有種壓迫感湧上嚟，就算係縮細版艾菲爾鐵塔仍然不容小覷。
喺塔底再掃描一次門票就可以搭透明電梯直登塔頂啦！
37樓觀景台高度同酒店主體高度相若，圍住塔頂360度可以行個小圈，高空欣賞路氹景色，望一望落地面都有少少腳震。
但空間不算大，可以消耗的時間應該不多，唯獨晚上入黑後會點燈，超過6,600個景光燈閃閃發光，絕對係眼球上一大滿足。
仲想反轉個鐵塔的話可以選擇喺6樓「巴黎軒」進餐，明符其實玩到入心臟地帶。
菜式以中法創新料理為主調，價錢非常親民。如果嫌購物中心餐廳無新意可以來一試，記得提早預約！！
客房方面主要走貴氣型格路線，部份房間可以面向住鐵塔景，夠哂sharp醒。
就算無鐵塔景都會有其他法式佈置搭救，小編就最欣賞呢個復古暗花全身鏡，好有美感。
洗手間都用黑白雲石襯托，基本配備一應俱全。
因為巴黎人剛剛開幕一個多月，有好多新張優惠，套票一般都已經包括船票、酒店住宿、6樓觀景台門票、自助早餐/午餐、開幕禮物。
平日兩日一夜埋單都唔洗一千蚊，都算物超所值。
立即預訂 / 查詢價格︰
