[走進中國。貴州] 北望貴州@ DAY 1 – 市橋

為了兌現對女友既承諾，今個復活節我地決定北上貴州的<<千戶苗寨>>背包行。因為路途遙遠，手上假期及資金有限，於是坐高鐵取代飛機。

13 April 2017的晚上，接了女友放工，在觀塘食完<<龍城冰室>>，咩住大背囊抱住大肚腩坐港鐵經落馬州。再於福田站坐動車直上廣州市橋先住一晚。

<<福田站>>，設計很大，人流不多，晚上九時多已空無一人，很多人手售票口已經關了，只剩一號售票口，剛好由一個盡頭走到另一個盡頭。下次如無必要，還是去<<堔圳北站>>比較方便。

侯車大堂也只是寥寥數人。

月台設計似地鐵多於動車/高鐵。

半小時多的車程很來就來到<<廣州南站>>，因為要趕上10分鐘後地鐵的尾班車，所以出了閘口就要「奔跑吧，兄弟」般衝去地鐵站。還好，趕得上尾班車去市橋。

因為六點幾就吃晚飯，所以來到市橋，馬上睇下有乜宵夜食，最後幫襯左呢間<<上海老街錕钝>>，即係雲吞。

雖然只係十幾蚊，但出奇的好食，份量又夠多，果然吃在廣州。

呢一晚平平地住市橋的<<七天連鎖酒店>>，明天一早正式出發。

Dickso Facebook 專頁：https://www.facebook.com/dick-6193303130/

原文追蹤：http://blog.ulifestyle.com.hk/blogger/dickso/