[走進中國。貴州] 黃果樹西遊記 @ DAY 4

在酒店享用過自助早餐後，八點半準時出跟ar ling及Judy兩位大姐出發。

司機大哥換了另一個人，包車每人收50蚊，頭境區巴士一樣。大哥先帶我地去買票入場$180包三個景區，分別是<<黃果樹瀑布>>，<<天星橋景區>>及<<徒坡塘>>，可以分兩日入場。

第一站我地先看<<徒坡塘>>，這裡是八十年代第一套西遊記電視劇的取景地，所以入口附近就會有唐僧幾師徒的石像，好多遊客會爭住影，到底邊個先係呢個景點主角?

徒坡塘景區其實唔大，一個半小時就夠哂數，好快就見到主角。可惜的是當天沒有藍天白雲襯托。

在觀景台搵個位拍照都唔易，倒底是誰攝鏡都說不清了。

然後出發去第二個景區黃果樹瀑布，當天確實有好多香港團到步。聽說有位女團友跳左落水，真係陰公豬。

這個景點要預2-3小時。

先經過一個盆景園，有好多盆景睇。

遠處就會見到黃果樹瀑布

行近d, 到達觀景台，現在是枯水期，但氣勢都唔弱。

出發前往<<水簾洞>>，好多人在排隊呀

因為怕溼身，很多人會穿雨衣進洞，因為水流太澎湃了

穿過洞後，風景就不一樣了，可以由低到高欣賞瀑布。

接下來是一條吊橋，穿過它左轉就會到扶手梯或右轉行天梯。我們選擇左轉呢。

索價30蚊，真夠坑爹。

出到來竟然有一條購物街

在景點外，有一排餐廳，先在此吃飯，可惜司機大哥不知走了去邊，吃完白等了一小時。

第三站是天星橋景區，預3-4小時，我們兩點出發。

(下右) <<美人榕>>

(下下左) 豬八戒取親處<<高老莊>>

(下左) 先來數著日子看風景，共365日，你可以找找自己的出生日期。

(下右) <<一線天>>

下右 <<橋上橋上橋>>

下左<<水上石林>>

下下左<<天星索道>>收10蚊，比起扶手電梯平好多。

<<天星洞>>，洞內有天，第一次睇鐘乳岩，好睇。

枯水期的<<冒水潭>>

<<銀鏈墜潭瀑布>>

來到呢到已經六點鐘，坐電瓶車出景區門口，司機大哥會在這接我們。

6點25分回到酒店拿回行李，便跟兩位大姐快速分手了。 因為今晚的目的地是<<青岩古鎭>>，所以要9衝到對面的客運站。晚上6:30分是去安順的尾班車，每人22蚊，剛好趕上了。

一小時的車程，下車後也要趕去10分鐘路程的<<安順火車站>>買車票到<<貴陽站>>。

成功買到晚上8:10的火車，每人$15.5

竟然有這麼多人

真黑仔，我地坐的車廂沒空調，仲要好煙民，吸了很多二手煙。大陸人真係好能耐，個個面不改容。

到站時都九點幾，想搵黑車落<<青岩古鎭>>，公價是$100，但竟開價$170，我放棄了，決定今晚早點睡，明天早點出發算了。

在附近求其搵日旅館訓一晚，這一更最背包FU。

在老板娘的推介，來了一條美食街，選擇多價錢平。

肚餓真係食咩都好食。

買點乾糧，突然下起大雨，都係早d抖。

 

Dickso Facebook 專頁：https://www.facebook.com/dick-6193303130/

原文追蹤：http://blog.ulifestyle.com.hk/blogger/dickso/