新加坡離開香港大概4小時機程，話遠唔遠咁啦！不過勝在無時差，最重要係美食多米芝蓮有，街坊小食又有，好似松發肉骨茶、天天海南雞飯、老巴刹沙爹串燒、亞坤咖央多士等等通通都係令人回味無窮！講到新加坡有咩好玩景點，首選一定係聖淘沙(Sentosa)，事關個邊有環球影城(Universal Studio Singapore)、濱海灣花園(Garden by the bay)、海洋館S.E.A，無論你係一個人旅行，亦或係一家大細嚟玩都一樣咁適合！當然我阿Jar今次踩過界玩到嚟新加坡，當然唔會淨係介紹上述哩個嘅，更多更好玩推介盡在周奕瑋玩轉新加坡景點行程，下個旅程一於飛去新加坡玩啦！
新加坡自由行實用資訊
新加坡機票
新加坡雖然只有一個樟宜機場(Changi airport)，不過航班頻密度以至舒適度都係達世界級。香港飛新加坡選揀都唔少，提供直航機有新加坡航空、國泰航空、廉航代表又有酷航同埋捷星，旺淡季機票價格落差唔算好大，連稅計$1400 ~ $2500左右。航班選擇由早午晚到凌晨機都有，相當靈活！4日行程啱啱好，再濃縮啲玩3日都得！
查詢及預訂：新加坡來回機票
新加坡雖然地方細細，不過每年平均接待上千萬旅客，住宿選擇非常多，星級酒店、hostel、民宿任君選擇，價錢由一二百到一二萬都有。基本上星級酒店大部份位於聖淘沙島以及濱海灣一帶，廉價旅館如Hostel甚至膠囊旅館大多集中向牛車水(Chinatown)地段。
新加坡烏節路新概念酒店 (Yotel Singapore Orchard Road)
2017年才開業酒店唔單止裝修夠新，營運概念仲新，Yotel以飛機頭等艙為設計概念，時尚風又不失豪華感。酒店位於新加坡最旺購物商圈烏節路(Orchard Road)地段，交通非常方便，十分鐘步程即到地鐵站。酒店加入自動運作模式，客人可以自助方式經電腦辦理入住手續，當然亦可找前台服務員效勞。餐廳、泳池、Wifi服務一律24小時候命，酒店內更設有多名機械人服務員隨時為你服務！客房賣點仲有佢地嘅Adjustable Smartbed 可調節高度床褥，唔止老人啱瞓，仲啱我哩類電視精，教啱角度瞓住煲劇最正！
查詢及預訂：新加坡烏節路新概念酒店 (Yotel Singapore Orchard Road)
新加坡莊家大酒店 (Hotel Boss Singapore)
酒店交通方便最近Lavender地鐵站徒步只須3分鐘，哩區有唔少3星酒店選揀，個人認為都幾高CP值！市中心地段位置好，閒日六百幾已經有交易，經濟得嚟設施都唔差架，室外泳池、健身室、餐廳、Wifi一樣都冇少到！
立即查詢及預訂：新加坡莊家大酒店 (Hotel Boss Singapore)
2017年開業，位處市中心地段，隔離就係Bencoolen地鐵站，交通絕對無挑剔！價錢方面都係閒日六百幾蚊晚，性價比不俗！泳池、健身室、餐廳就梗有架啦，酒店仲係全面禁煙，啱晒呼吸新鮮空氣嘅朋友。酒店行過一個街口就係大食代Food Republic，幾時都唔怕飽嚫！前台服務員好多都識講普通話或廣東話，啱晒新手上路！
立即查詢及預訂：新加坡米閣大酒店 (Hotel Mi Singapore)
新加坡一度十五碼頭俱樂部 (One°15 Marina Sentosa Cove Singapore)
聖淘沙島上全部都係高級酒店，價錢當然亦係高級，哩間One°15星級之餘，價錢尚算合理，閒日大概千三蚊左右，住聖淘沙島係比市中心貴，但空間感好好多，雙人大概有40平米，咁哩千幾蚊都值嘅，新加坡同香港一樣『寸土呎金』！可能你會問點解酒店名咁打意嘅，原來酒店位處北緯1度15分，非常接近赤道咁解！Gimmick嘢嚟…….
立即查詢及預訂：新加坡一度十五碼頭俱樂部 (One°15 Marina Sentosa Cove Singapore)
新加坡手機上網
最方便梗係買番張數據卡啦！Clubsim方便位係一張卡每次有需要就用佢地個APP增值就可以，唔使次次換新卡，又唔需要諗去4日買3日卡又唔夠用，買5日卡又蝕咗！因為Clubsim係24小時計算，今次用唔晒嘅日子可以留番下次再用！
立即查詢及預訂：Clubsim手機上網卡
新加坡交通
從樟宜機場Changi airport <> 市區
地鐵(5:30am~11pm)：車程約30分鐘，車費S$1.7 – S$1.8
機場穿梭巴士(24小時)：車程約25分鐘，車費S$9/成人、S$6/小童
的士(24小時)：車程約20分鐘，車費S$20 – S$30 (深夜或交通繁忙時段設附加費)
網上預約：機場<>酒店的士接送(24小時)服務
市內交通方案新加坡交通網絡跟香港非常相似，建議大家購買一張類似八達通嘅EZ-Link card，以儲值方式操作，由機場出市區開始到回程都非常方便，便利店及部份連鎖大型食肆都可應用。銷售點設於大部份地鐵站(包括樟宜機場站)，亦可到全線7-11便利店購買。一張基本費用S$12，內含S$5開卡費(不能退)，S$7儲值額，儲值額必須多過S$3方可使用。
Singapore Tourist Pass
遊客仲可以考慮買哩張1日(S$10)、2日(S$16)或3日(S$20)旅遊證，地鐵巴士於有效期內任搭，主要景點如環球影城(慳S$4)、S.E.A. (慳S$8)、Garden by the Bay(慳S$7)等入場門票，憑證購買可享折扣優惠，抵唔抵就視乎你行程編排啦！按S$16/2日計算，平均計一日搭2次或以上地鐵/巴士，再去兩個優惠景點，基本上都可以打和嘅！另外Sentosa Express又唔搭得……
新加坡外幣找換
中環百年找換店個rate好就係人都知，依家仲可以打電話/電郵預約時間，免排隊之苦！唔想專登去中環的話，不如到咗新加坡先換錢。聽講牛車水珍珠坊(People’s Park Complex)裡面嘅Money Changer幾抵唱！不過其實新加坡貨幣咁流通，香港同當地個外匯價應該差距唔大，同埋好多地方都接受信用卡，其實唔需要兌換大量S$。
後生仔必玩推介
於2012落成至今都差唔多七八年時間，不過其科幻感建築設計，感覺仍然非常時尚，是一眾旅客遊新加坡必到景點之一！
地址：18 Marina Gardens Dr, Singapore
營業時間：09:00~21:00
門票：SGD 28/ Two Conservatories
網站：www.gardensbythebay.com.sg
交通方案：Tanjong Pagar MRT Station (EW15)
Tips：燈光Show每晚19:45及20:45約10分鐘
網上預訂：
想舒舒服服順便欣賞下聖淘沙景色，不妨揀日落時分嚟坐纜車！
地址：109 Mount Faber Road, Singapore
營業時間：09:00~18:00
門票：SGD 35/成人；SGD 25/小童
網站：https://www.onefabergroup.com/
交通方案：Harbour Front MRT站E出口Harbour Front Tower Two
網上預訂：新加坡纜車門票
絕對係啱晒大人細路哥嘅新加坡必遊景點，值得你預留一整天行程！
新加坡環球影城Universal Studios Singapore
地址：8 Sentosa Gateway, Singapore
營業時間：10:00~19:00
一日票：SGD 79/成人；SGD 59/小童；加購優先證SGD 40(一項)；SGD 70(任選)
網站：https://www.rwsentosa.com/zh-hk/attractions/universal-studios-singapore/explore
交通方案：聖淘沙輕軌(Sentosa Express) HarbourFront站
網上預訂：新加坡環球影城門票
延伸閱讀 ►►新加坡主題樂園 | 一次上手
點解新加坡係最佳親子遊目的地，全因為佢地嘅景點好多時都係寓教育於娛樂，哩個海洋館蘊藏1,000種海洋物種，50個生態區，認真參觀的話起碼夠行一日架！
地址：8 Sentosa Gateway, Sentosa
營業時間：10:00~19:00
一日票：SGD 40/成人；SGD 29/小童
網站：https://www.rwsentosa.com/zh-hk/attractions/sea-aquarium/explore
交通方案：聖淘沙輕軌(Sentosa Express) SEA Aqauarium站
網上預訂：新加坡 S.E.A. 海洋館門票
參觀完海洋館想更進一步親近海洋生物，嚟到水上探險樂園肯定唔會令你失望，衝浪之餘仲可以額外付費一親魔鬼魚、鯋魚、或者海豚添！
水上探險樂園 Adverture Cove Waterpark
地址：8 Sentosa Gateway, Sentosa
營業時間：10:00~18:00
一日票：SGD 38/成人；SGD 30/小童
交通方案：聖淘沙輕軌(Sentosa Express) SEA Aqauarium站
網上預訂：水上探險樂園 Adverture Cove Waterpark
號稱全球最大東南亞藝術公共收藏館嘅新加坡國家美術館，展館本身已經係百年歷史建築物已經相當有睇頭，佔地6萬幾平方呎，加上裡頭不斷更換嘅新舊藝術展品，夠你扮足藝文青大半天！
新加坡國家美術館Singapore National Gallery
地址：1 St. Andrew’s Road, Singapore
營業時間：10:00~19:00；星期五10:00~21:00
門票：SGD 20
網站：www.nationalgallery.sg
交通方案：City Hall MRT站
新加坡必食推介
幫襯熟食中心絕對新加坡旅行嘅指定動作！正所謂美食在民間，要體驗新加坡地道飲食文化，就要來試試！冇冷氣對香港人嚟講，的確有點難受，不過作為一個吃貨，為咗食一於豁出去啦！
麥士威熟食中心Maxwell Food Centre
地址：1 Kadayanallur St, 新加坡
營業時間：08:00~22:00(視乎個別餐廳營業時間)
招牌食店及菜式：(海南雞飯)天天海南雞飯、金華魚片米粉、林記泉源生菓汁
交通方案：Chinatown MRT站A出口
每個熟食中心都有自己專長，紐頓就以海鮮小炒著名，嚟新加坡旅行吃蟹是常識，去邊到食就係學問，咪睇少熟食檔只賣便宜貨色呀，哩到就有間隱藏版米芝蓮推薦餐廳喇！
紐頓熟食中心Newton Food Centre
地址：500 Clemenceau Ave N, Singapore
營業時間：13:00~02:00(視乎個別餐廳營業時間)
招牌食店及菜式：聯合海鮮燒烤(辣椒螃蟹)
交通方案：Newton MRT站B出口
同樣貴為米芝蓮推薦餐廳之一，位置有點隔陟，不過有好東西吃那怕你起向深山都一樣有人搵得到嘅！
瓊榮記海鮮餐廳
地址：124 Bukit Merah Lane 1, Singapore
營業時間：11:30~14:30；17:00~22:00
招牌菜式：鹹蛋黃炒蟹、咖啡骨、麥皮蝦、月光河
交通方案：Queenstown MRT站，徒步10分鐘
新加坡華人大部份來自上世紀華南地區中國人，潮州、福建、客家等地，所以新加坡所謂嘅傳統菜式，好多都係源於這些地區，哩間薄餅店賣嘅就係福建閏餅，純手工做認真買少見少！
郭源發手製薄餅皮
地址：54 Joo Chiat Place, Singapore
營業時間：10:00~18:00
招牌菜式：09:00~14:00
交通方案：Eunos MRT站徒步3分鐘
中峇魯近年被打造成新加坡文青小區，行厭咗大商場大景點，不妨過嚟搵下靈感，行下壁畫街影下相然後再hea下café做番日藝文青啦！行得夜順便食埋晚飯先走，再俾多間螃蟹專門店大家，除左黑椒螃蟹出名，仲可以試埋地道娘惹餐添！
3號螃蟹海鮮館3 Crab Delicacy Seafood Restaurant
地址：50 Tiong Bahru Road, Unit 01-04 Link Hotel, Singapore
營業時間：11:30~14:30；17:00~23:30
招牌菜式：砂煲螃蟹米粉
交通方案：Tiong Bahru MRT站徒步8分鐘
新加坡必去文青景點
#1 中峇魯壁畫街
地址：Tiong Poh Road、Eu Chin Street、Seng Poh Lane、Eng Watt Street
#2 加東老洋房
地址：Koon Seng Road
#3 新加坡彩虹巷
地址：哈芝巷(Haji Lane)
新加坡旅行團推介：新加坡吃喝玩樂4天團、新加坡米芝蓮美食4天團
熱賣自由行套票：《Teamlab – 超躍未來》新加坡4天
+++++++++++++++++++++++++++++
延伸閱讀 ►►更多『周』遊列國遊記
