去旅行住宿好重要，事關夜晚有覺好瞓住得舒服，日頭先有精神去博命！尢其係去首爾旅行，日買買夜買，酒店唔止要舒適，仲要就腳先得，另外早餐正都好緊要，落樓即刻就食到早餐，點都方便過又要諗一輪都唔知去邊到食好！唔係講笑~有時選擇太多都真係幾煩惱架！怕煩嘅朋友仔，今次就等小編幫大家推薦5間首爾新得嚟價錢又唔貴，絕對係高CP值嘅酒店！明洞、弘、大江南、麻浦都有，梗有一間啱心水！
開業年份：2018年年底
交通：位於弘大地鐵站五號出口，穿過接連嘅商場可直達酒店，認真係無懼天氣幻變！人少搭AREX機場快線嘅朋友，住弘大最方便，事關坐普通車已經可以直達！
環境：位於首爾著名大學商圈，當然就係想吸引年輕旅客啦，設計方面行型格風，房間以手繪畫做裝飾，簡約得又不失時尚感！
房間：標準雙人房約20平米，空間感充足放拖住兩個大喼入嚟都夠位！
服務：大部份房費已包自助早餐，用餐區夠晒開揚又多位，食物唔算好豪華，但勝在選擇豐富，味道仲唔錯添！
新鮮感：❤ ❤ ❤ ❤ ❤/5
舒適度：❤ ❤ ❤/5
方便度：❤ ❤ ❤ ❤/5
CP值：❤ ❤ ❤ ❤/5
現場睇片：
假日智選酒店首爾弘大 Holiday Inn Express Seoul Hongdae
地址：首爾特別市麻浦區臥牛山路35街50-4
交通方式：首爾地鐵2號線弘大入口站4號(有附手電梯)或5號出口(有𨋢)
首爾克里森多酒店 (Hotel Crescendo Seoul)
開業年份：2017年開業但酒店各方面仲KEEP得好新整架！
交通：位於江南商圈，想買有品味高質素韓牌，一定要嚟江南行街！附近仲有好多特色餐廳添！
環境：酒店其實係由法國雅高酒店集團經營，唔行時尚簡約風，反而走歐陸風格，不折不扣嘅型格精品酒店！
房間：標準雙人房略為細小小只有15平米，勝在麻雀雖小五藏俱全，大部份房間景觀都唔錯架！
服務：提供24小時健身中心，頂層仲有個小型觀景露台花園添！
新鮮感：❤ ❤ ❤ ❤ ❤/5
舒適度：❤ ❤ ❤/5
方便度：❤ ❤ ❤ /5
CP值：❤ ❤ ❤ /5
睇片先：
首爾克里森多酒店 (Hotel Crescendo Seoul)
地址：首爾特別市江南區奉恩寺路428
交通方式：首爾地鐵9號線宣靖陵站3號出口，徒步3分鐘或KAL機場大巴6703路(*首爾華美達酒店下車)
開業年份：2017年中正式開業
交通：位於弘大商圈，食買玩夠晒方便！
環境：走型格歐陸復古工業風路線，啱晒鍾意打卡嘅你！
房間：標準雙人房最少有23平米，空間感十足！更設有不同裝飾嘅主題房間，全部都係打卡位！
服務：冇特別設施，只提供一間歐陸色餐廳~
新鮮感：❤ ❤ ❤❤/5
舒適度：❤ ❤ ❤ ❤/5
方便度：❤ ❤ ❤/5
CP值：❤ ❤ ❤ ❤/5
地址：首爾特別市麻浦區西橋洞354-10
交通方式：地鐵弘大入口站9號出口，徒步6分鐘；仁川機場巴士6002(*瑪麗酒店黃金站下車)
開業年份：2018年3月
交通：位於4線地鐵交匯處，出入特別方便！
環境：酒店走時尚風格，富現代感，大堂樓底又高，光線充足，適合一家家庭旅客。
房間：入門雙人房間已經有26平米，住弘大/明洞地段絕對搵唔到！
服務：提供24小時健身中心，商務設施(付費)，酒店大堂仲開咗間營業至深夜2點便利店
新鮮感：❤ ❤ ❤ /5
舒適度：❤ ❤ ❤ ❤ ❤/5
方便度：❤ ❤ ❤/5
CP值：❤ ❤ ❤ ❤/5
地址：首爾麻浦區麻浦大路92號
交通方式：首爾地鐵(5/6號線)孔德站8號出口；AREX機場快線孔德站9號出口直達
格拉斯麗首爾酒店 (Hotel Gracery Seoul)
開業年份：2018年8月
交通：鄰近南大門、明洞商圈，四方八面都可以行街掃貨。深宵總是餓就可以去隔離北倉洞美食街，24小時都有飽飯食！
環境：日本格拉斯麗集團第一間海外店，酒店設施一律按日本規格，質素自然有保證。小巧精緻又不落俗套，唔止適合日本旅客口味，出名要求高嘅香港旅客都啱住！
房間：標準雙人房約22平米，兩人入住唔會覺得局促！日式電子馬桶絕對係加分位啦！大床房、雙床房、三床房都有提供。
服務：雖然泳池、健身室都欠奉，但酒店內有投幣式自助洗衣機，住多幾日都冇有怕！另外仲提供日式早餐，真係一個旅程兩種風味！
新鮮感：❤ ❤ ❤ ❤/5
舒適度：❤ ❤ ❤ ❤ /5
方便度：❤ ❤ ❤ ❤/5
CP值：❤ ❤ ❤ ❤/5
格拉斯麗首爾酒店 (Hotel Gracery Seoul)
地址：首爾特别市中區世宗大路12街12號11樓
交通方式：首爾地鐵1/2號線市廳站7號出口，徒步3分鐘；仁川機場巴士6005(*市廳站下車)
+++++++++++++++++++++++++++++++++++++
❤去首爾體驗極光汗蒸幕📌http://bit.ly/2IB978p
❤首爾美食~鰻魚+牛排吃到飽只須三萬韓元📌http://bit.ly/2vxDPKq
