一機在手，通行全球唔係得個講字架。
今時今日去旅行絕對可以用智能電話幫你辦妥一切，省卻唔少時間同準備功夫，重點係你要用得夠精明！
1. 永安旅遊
去旅行第一步當然係訂好機票，酒店。
永安旅遊App嘅機票搜尋功能包括埋廉航，酒店預訂又有抵價保證，幫大家慳返唔少旅費。
想更方便亦可以選擇預訂套票，好多有埋門票代訂、接送服務等等。
2. Google Trips
最近Google 強勢推出Google Trips，即時引起唔少用家注意。
Google Trips 功能強大，會自動連接電話內Google嘅App，例如自動讀取以Gmail接收郵件嘅航班資料、酒店資料。
另外亦會以你的喜好建議多個景點、餐廳、路線及行程，並係Google Map上面標示出嚟。
最重要係全部可以離線查閱，以後唔洗帶本旅遊書出動啦！
註︰暫時只支援英文版
3. Google Translate
大家對Google Translate應該唔陌生，其實去旅行時佢都好幫得手。
Google Translate提供90種語言嘅即時翻譯，如果想離線用都可以下載套件。
最方便係支援文字／拍照翻譯功能，有時睇唔明餐牌、路牌都可以試下！
4. Wi-Fi Finder
Wi-Fi Finder可以喺旅途中尋找附近嘅網絡熱點，據說有高達55萬個免費或付費Wi-Fi熱點，涵蓋144個國家。
無論係已經連接上網抑或無網路都可以使用，只要更新App內嘅資料庫就可以啦！
註︰只支援Android系統
5. 本地交通App
發達國家的交通網絡一般都比較複雜，建議大家可以按目的地下載當地查詢交通嘅App。
以日本為例，地下鐵線路之多都係世界上數一數二，連日本人都會用嘅「乘換案內」就可以查閱即時地鐵／JR班次、路線、票價、車程，仲係全國通用！
