外遊秘笈!碌卡前要知的事
外遊秘笈!碌卡前要知的事

旅行前就梗係要留意匯率走勢啦,見平就第一時間入手,實行慳得一蚊得一蚊。不過有時真係唔知應該唱幾多外幣先夠,心想掃貨但到時又未必買到想買嘅,都係碌卡隱陣,帶咁多錢向身始終有風險!不過保險係要付出嘅,事關大部份銀行同發卡機構都要收取手續費,不過海外簽帳市場一向都係信用卡最大收益來源,所以部份銀行會進取啲,減少收費爭取客戶。
 

 

手續費到底點樣計?
香港信用卡市場,最主要分為四大種卡類,Visa, Mastercard, 銀聯, AE。凡使用香港簽發信用卡進行非港幣簽帳交易,不論你係網上購物亦或親身到外地消費,都係要俾手續費,一份俾發卡機構,一份俾銀行,合共收費大概介乎1-2%左右。可能大家會試過向外地消費時,個Sales會問你想唔想以港幣付款,你咪以為碌港幣就唔使俾手續費喎,因為部份銀行係劃一收取海外交易手續費,你仲要問清楚商戶嘅匯率又係幾多,諗過度過先好拎張卡出嚟俾錢!
 

外遊秘笈!碌卡前要知的事

到底邊款卡種最抵碌?
方便縮窄考慮泛圍,不如先睇清楚每款卡種收費如何啦!
Visa                 1%
MasterCard     1%
AE                   1.25%
銀聯                 0%
*論牌面, 暫時銀聯卡~勝!
 

外遊秘笈!碌卡前要知的事

匯率係按碌卡當天計,定係銀行結算日計呢?
Visa                 指定折算日
MasterCard     指定折算日
AE                   指定折算日
銀聯                 交易日
*論公平, 都係銀聯卡~稍勝!
 

外遊秘笈!碌卡前要知的事

精打細算碌卡攻略:
1. 如果打算去外地大手掃名牌包包或者衫褲鞋物,無可否認免收手續費?銀聯卡的確係好吸引,不過要認清楚邊間銀行免收手續費先!(包括:渣打、東亞、中銀、Citibank、大新、建行、工行)


2. 如果閣下嘅掃貨地點,一般都係Dutyfree或者大型百貨公司的話,由於哩啲地方好多都可以俾你碌番港幣,咁就可以繼續用番平日用開個張Visa或者MasterCard,不過就要揀番免收海外港幣交易手續費嘅信用卡喇!(包括:匯豐、Citibank、工銀亞洲)

 

外遊秘笈!碌卡前要知的事

溫馨提示:
向海外碌Visa/ MasterCard ,手續費其他間間銀行都差唔多,所以銀行都各出奇謀,以各式各樣嘅優惠/ 回贈/ 積分之類嚟留住你。如果你又布儲開分的話,出發前記得睇下銀行有冇做緊海外簽帳額外積分優惠喇!
實戰案例
購買之貨品等值HK$10,000 (*用某大銀行出?外國大牌信用卡支付)
手續費 = HK$195
合共支付金 = HK$10,195

海外簽帳可自訂最高 X6積分回贈
HK$10,000 = 60,000積分 (*250分 = HK$1)
60,000分 = HK$240

當然唔係間間銀行都有X6積分回贈啦,其實如果回贈積分少於X5的話,基本上就唔能夠抵消到手續費架喇!同埋部份銀行積分都只限於指定商戶兌換,同使現金又係兩回事啦!