吐魯番

想遊覽絲綢之路呢件事，都講咗起碼有10年。終於趁今次佛誕假期join永安呢個旅行團，落實呢個中國絲路嘅探索之旅。交通安排方面，實在有不少時間需要花在交通轉駁上。我知道旅行社已是盡量的安排，但真係可以試吓考慮不走回頭路，敦煌入、新疆出。然而，整個旅程我都十分滿意同盡興。 景點： [河西走廊] 白馬塔、沙州夜市、莫高窟、祁連山脈、張掖大佛寺、七彩丹霞地質公園、嘉裕關、戈壁灘、鳴沙山、月牙泉 [吐魯番] 交河故城、坎兒井、火焰山 [烏魯木齊] 天山天池、大巴扎 歷史文化方面，我尤其鍾意莫高窟。裡面嘅壁畫真係好靚好有深意。好在有導賞員的講解，如果唔係真係睇唔明九色鹿同佛陀前世嘅故事。嘉裕關、交河故城亦都係有意外驚喜，覺得震撼又值得。白馬塔就算啦。 風景方面，我絕對係首推丹霞地質公園。無諗過可以睇到咁靚嘅七色岩石。火焰山就反而有啲失望：得個熱字。天山天池都係一般般。月牙泉、鳴沙山，如果可以安排喺黃昏時間去，應該會仲正。 市集方面，敦煌嘅沙州夜市同烏魯木齊嘅大巴扎都係無得彈。係我喺成個旅程中，掉錢掉得最多嘅地方。不過沙洲嘅時間唔夠，可以安排長啲。 導遊方面，我尤其想讚賞Shirley嘅表現。我都好耐冇試過每朝嘅morning call係收到導遊嘅真人發聲。佢中氣十足嘅講話，令你安心、永冇冷場。我自己一個人黎，佢亦都會有多看看我，唔會漏單。希望日後join永安團，會繼續遇到呢種可靠又讓人安心嘅導遊。 領隊方面，我覺得小侯同小靜各有千秋。小靜無疑係老練嘅領隊，識得預早提你避雷，又會識介紹你邊度買邊啲手信至好。小侯就顯然有著豐富嘅知識量，你基本上去邊個點都有佢詳細嘅講解。佢亦都好肯做，成日跑前買飛、車上派水。 膳食方面，我自己係覺得每次都十餸一湯，份量太多之餘亦都會食到膩。可以考慮例如新疆部分安排食全羊宴、手抓飯，河西走廊食火鍋或麵食。不論好吃與否，都係一個體驗同嘗試。 以前，其實我比較想join去埋西安嘅永安絲路團。奈何已經唔再搞。但，我依然會recommend呢個團俾大家。亦都在此感謝所有工作人員嘅安排同付出。

呢個團本身係比較辛苦嘅因為每一個景點距離都比較遠車程係比較多、好在行程安排妥當、領隊非常盡責細心、同時當地導遊講解得十分詳細、司機駕駛態度非常之好、酒店房間滿意、選址不錯比較近市中心飯後可以出街走走買水果吃. 唯一缺點就係團餐比較千篇一律比如好似大盤雞連續食咗幾日、第二天晚上的烤全羊 - 呢間餐廳將羊烤得太乾基本上好多都食唔到嘥咗隻羊. 第三晚的烤肉串加新薑酸奶 - 其實每人只有一小串烤羊肉（太少）不用標榜作為這一餐的特色賣點. 第四晚的酒店自助晚餐係最豐盛最好食嘅 （值得一讚）我記得有一日嘅豬排同埋酸甜骨都真係骨多肉少囉. 我唔知係唔係甘肅省係比較落後所以食材比較少但係我舊年去山西嘅食用係非常之好如果山西係直十分嘅咁今次只係得六到7分 - 個別有日係比較滿意嘅基本上味道係唔錯但係用料就比較有待改善. 特別係大盤雞你會發覺有好多雞頸、他們將啲雞斬到好碎 我相信整盤雞連半隻雞都冇因為你係食唔到有雞髀肉. 當然我知道大盤雞係一個特色菜但係可唔可以叫佢哋將啲雞斬返大舊少少畀我哋見到係一個正正常常嘅雞肉呢又或者食過一兩次之後可以轉下食其他做法如白切雞、風沙雞、燒雞等等就算每一圍冇一隻雞你都畀到半隻雞人食呀. 雖然不知道是什麼真正原因令大灣航空公司要delay原定星期五下晝三點鐘從敦煌起飛到看港的航班改做星期六早上七點鐘起飛、但基本航空公司及旅行社的安排還是十分滿意貼心特別是永安星期五晚在酒店給我們安排的晚餐非常之豐盛係整個團裏頭最好食的一餐（除咗自助餐之外） 整體而言呢個旅行團係值得去玩雖然車程多都比較辛苦但風景係美麗多元（有山有水）、如果親友有興趣、我都會推介給他們

呢8日既絲綢之旅真喺由衷地感謝我哋嘅領隊Tracy、同兩位超專業嘅導遊小斌、小芳，以及兩位穩陣又親切嘅司機大哥！多謝佢哋嘅用心服務，加上新疆嘅好天氣全程幫襯，令呢趟旅程簡直完美，留低咗一堆開心回憶！ 特別要大讚我哋嘅靚靚領隊Tracy（小秋）！秋秋真係一個超級可愛、真誠又有愛心嘅女孩子！佢平易近人又好有親和力，好快就同全團打成一片，到處都係歡笑聲同快樂氣氛！😆 佢做事超級仔細貼心，主動關心每一位團友，影相環節更加係佢嘅強項！一到影相位，佢即刻變身專業攝影師，無論你想點影、點pose，她都好有耐性、好盡力幫你影得又靚又自然！有佢喺度，大家完全唔使擔心，感覺好安心、好被照顧！❤️ 最後一日8個鐘長途車程，本來有啲悶，但Tracy精心準備嘅小遊戲，不但幫大家解悶動腦筋，仲讓我哋更加深入認識新疆嘅語言同文化，玩得又開心又充實！全程多謝Tracy主動噓寒問暖，又經常邀請我同屋企人一齊影相，令我哋好快就融入大家庭，玩得超級開心！再次由衷感謝小斌同小芳兩位導遊，佢哋風趣幽默、講故仔好好聽，對景點又好熟又專業，笑容親切又暖心！加上兩位司機大哥安全穩陣嘅駕駛，今趟新疆絲綢之旅真係太滿足、太難忘喇！❤️