過完年開始回春，櫻花季又開始殺到嚟，
如果有朋友偷步去咗沖繩就會知每年最早開花的沖繩已經遍佈櫻花的蹤影。
所以我地都即刻送上最新櫻花預測，幫大家以最早開花排序去整理以下賞櫻熱點，一齊睇下日本各地今年邊度最「櫻」氣迫人！
(來源︰Weather map官網)
1. 東京 – 千鳥ケ淵綠道
千鳥淵名傅千里，每年都非常旺場。
皇居的護城河以及周邊的綠道都佈滿染井吉野櫻同山櫻樹，非常壯觀。除咗可以喺櫻花樹下慢慢影之外，亦可坐收費的手划船賞櫻，增添唔少浪漫氛圍。
預計開花日︰18/3/2020
預計滿開日︰25/3/2020
預計櫻吹雪：28/3/2020
地址︰東京都千代田區九段南2丁目～三番町2
交通︰九段下站徒步約5分鐘
2. 關西 – 姫路城
姫路城係日本三大名城之一，有400年歷史。
當城內1000多棵吉野櫻、山櫻、垂櫻等等一齊開花時，再襯托雪白的城牆，畫面非常壯觀，不負世界歷史遺產的盛名。
預計開花日︰23/3/2020
預計滿開日︰30/3/2020
預計櫻吹雪：2/4/2020
地址︰兵庫縣姫路市本釘68
交通︰姫路站徒步約25分鐘
3. 奈良 – 吉野山(下千本)
吉野山的櫻花是漫山遍野的，搭纜車所見的一整個山頭都盡是櫻花，花期仲長達一個月，非常令人驚艷。
呢個賞櫻勝地據講自平安時代就開始栽種，係日本櫻花之源，難怪每年都有3萬棵山櫻一齊盛放。
預計開花日︰3/4/2020
預計滿開日︰5/4/2020
預計櫻吹雪：8/4/2020
地址︰奈良縣吉野町吉野山
交通：近鐵吉野站搭纜車，吉野山站下車即達
(相片來源︰長野縣觀光協會官網)
4. 長野 – 高遠城址公園
高遠城址的櫻花流傳有「天下第一櫻」之稱，主要種植小彼岸櫻，花瓣小但顔色紅豔，已被指定為長野縣的天然紀念物。
當櫻花滿開時，晚上仍然可以利用燈光照明裝飾賞夜櫻，別有一番風味。
預計開花日︰4/4/2020
預計滿開日︰6/4/2020
預計櫻吹雪：9/4/2020
地址︰長野縣伊那市高遠町東高遠
費用︰入園費500 yen
交通︰JR伊那市站搭乘JR巴士至高遠站下車後徒步約15分鐘
(相片來源︰日本觀光局官網)
5. 青森 – 弘前公園
青森縣屬日本東北部，一般開花期都要到4月底。
最有名氣就係天守閣石墻上的垂櫻同西護城河兩側的櫻花樹，好多攝影發燒友最神往就係櫻花花瓣飄散而形成的粉紅花瓣河同櫻花隧道。
預計開花日︰20/4/2020
預計滿開日︰22/4/2020
預計櫻吹雪：25/4/2020
地址︰青森縣弘前市下白銀町1
交通：弘前站搭乘弘南巴士，在市役所前公園入口下車後徒步即達
