4【稅項全包】波羅的海三國+芬蘭 8天精裝假期~包入場參觀湖中特拉凱城堡歷史博物館、圖雷達城堡及石中教堂、乘郵船由愛沙尼亞前往赫爾辛基省時舒適(LCNNB08ND)

評價

• T1***64

  朋友出遊

  LCNNB08ND-260405
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/04/14

  原本對波羅的海歷史文化並不熟悉，但好好彩遇到對相關國家歷史非常熟悉的領隊Eric。Eric 非常努力準備今次的旅程，無論在車上還是到景點都會詳細講解相關的歷史故事，社會階層和各國民族發展的情況。亦會透過對比香港和立陶苑、拉脫維亞、愛沙尼亞和芬蘭的文化，包括風土習俗，生活概況，生活文化如飲食習慣，休閒消遣，或者其他社會面貌等，讓我們更具體了解當中的差異和相似之處。在立陶宛、拉脫維亞和愛沙尼亞的古城區有當地導遊講解，但Eric亦沒有只旁觀，他會認真聽導遊介紹，然後幫忙翻譯，再補充他所知道的相關資料，令我們能了解更多。 另外，最令我們驚喜的是Eric 十分有心地為我們搜索各個國家出名的的食物和手信，及預先將相關相片傳給我們，為我們節省了很多搜尋時間。Eric亦會告知我們酒店附近超級市場，甚至提前探路去提供非常詳細的實景路線圖，非常細心。 Eric真的是一位非常盡責既導遊，在出發之前一個星期已經主動聯絡我們，提供詳細的出發前須知，並且提供了需前往國家的天氣狀況，亦溫馨提醒我們需要根據當地天氣而帶備的裝備，如防滑的鞋。正正因為Eric的提醒，我臨出發前換了鞋，減低了在下雨的立陶苑滑倒風險。 此外，Eric知道從拉脫維亞出發去愛莎尼亞當日，大部分時間都是車程，為了讓我們不無聊，Eric帶我們到愛沙尼亞當地一個大沙灘觀光，當日我們還好幸運地遇到結冰的海面，非常漂亮，也是我第一次見到冰海，太高興了，是這次行程一個記憶非常深刻的景點。 總括而言，Eric是一位非常盡責且真誠有心的領隊，令我們整個旅程非常順暢。

  展開

  

  

  

  

  
• U0***33

  情侶夫妻

  LCNNB08ND-260405
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/04/12

  今次去波羅的海加芬蘭真係好開心，想特別讚下我哋嘅領隊Eric！佢真係一個又認真又有心嘅人，整個旅程都照顧得好貼心，玩到盡興之餘又學到好多嘢。 未出發前，Eric已經喺群組度聯絡大家，交代晒啲準備事項，例如行李、天氣、電壓、當地貨幣之類，講得好詳細，令大家出發前冇壓力，好安心。 到真係去到當地開始行程，就發現佢係真‧做足功課嗰種領隊。每個國家都講得好有內容，唔係淨係講景點有幾靚，而係講埋背後嘅歷史、民族文化、社會發展故事，聽到成班人都投入晒。佢講嘅方式又唔沉悶，好自然好生活化，好似聽朋友講故事咁。 除咗講文化，Eric其實係個好細心嘅人。每日早餐佢都會早啲去餐廳，睇下有咩地道嘢食，再同我哋推介幾樣特色食物試下。每去到新地方佢都會搵出啲啱買嘅超市商品，仲影相傳俾我哋睇，方便大家買手信。 喺景點方面，Eric處理得一樣咁專業。雖然當地都有導遊講解，但佢都會補充翻譯同講返啲重點，確保大家聽得明、唔會錯過精華。其實成個團都覺得有佢在真係放心，講嘢清楚、反應快又有耐性。 最令人欣賞嘅係佢對時間控制超準。行程安排得啱啱好，唔趕唔滯，玩得舒服。有時知道某段路太長或者有空檔時間，佢就會安排停一停俾大家睇景影相，例如去咗愛沙尼亞嘅海灘，見到結咗冰嘅海面，真係好驚喜。有一日佢預咗第二日冇時間shopping，所以早一日安排大家行大商場，真係識睇路又識照顧人。 另外，喺車上行程途中，Eric都會介紹其他永安嘅團，例如西班牙同郵輪線路，不過佢講得好自然，唔會硬銷，反而好真心咁分享旅遊體驗。聽完真係心郁郁，好想下一次再跟佢去新地方！ 成個旅程除咗行程豐富、學到文化知識之外，最感動嘅都係Eric嘅用心。佢令整個波羅的海同芬蘭團變得更有溫度，玩得盡興又學到嘢。真心推薦畀朋友，如果報永安旅行團，記得問下有冇Eric帶，保證唔會失望！

  展開

  

  

  

  

  

  

  

  

  
• 遊客

  情侶夫妻

  LCNNB08ND-260405
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/04/12

  今次波羅的海+芬蘭旅行團，領隊 Eric 的表現令我感覺良好。早係出發之前，他就已經主動聯絡我，將各項細節交代得清清楚楚，等我係出發之前，唔會覺得迷惘。 成個旅程，Eric 就係真人wiki咁。他不單只淨係講立陶宛、拉脫維亞、愛沙尼亞同芬蘭嘅歷史，仲會講埋當時的社會階層和民族發展，當聽故事咁幾有趣。除了歷史，他對當地的生活文化瑣事都好熟，例如大家平時食咩、人工、交友習慣、適婚年齡、放假去邊度玩等等，Eric亦都會講下，內容相當貼地，有時會同香港做對比，感覺好真實。聽完他嘅講解，對這些國家認識會比較立體。另外在古城區參觀時，他都會係旁邊幫忙翻譯導遊嘅說話，將啲重點再解釋多次，確保我哋無聽漏咗。 好多細節位都睇到Eric好勤力。例如，每到一個新地方，他都會早過我哋去超市，幫我哋探下路，看看有咩值得買，然後影相send畀我們參考。又例如，每天早餐，他都係好早就到餐廳，影下有有咩道地嘅特色食物，建議我哋試食下當地人會食嘅野。同埋Eric影相都算幾好，會主動幫我哋影，角度同構圖都幾好。 Eric的帶團經驗也幫到我哋嘅。例如他會預計到有啲日子沒時間買嘢，會提早微調下行程，畀我哋有多啲時間買下野，或者遊覽完等我哋食晏之後，仲有足夠時間去行商場咁。 最印象深刻嘅係，Eric 急步跑嘅姿勢。有時幫大家探路嗰陣，佢都會急步跑。看到佢個跑姿，雖然有啲喜感，但就係會感覺到他真係好睇重團友嘅時間，唔想浪費任何一刻。呢個態度，感覺真係幾好。Eric打招呼嘅手勢有時都好有趣，令到好多團友都幾開心。

  展開

  

  

  

  

  

  

  

  

  
• M0***21

  情侶夫妻

  LCNNB08ND-251116
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2025/11/23

  這次去波羅的海三國及芬蘭赫爾辛基旅行非常愉快。領隊NOVA CHAN 風趣幽默，安排得非常妥當，且提供貼心的服務。司機師傅十分盡責，即使很多路段是在天色已暗的時間駕駛，依然保障安全，準時送達酒店和用餐地點。 住宿方面，酒店很舒適，讓人感到放鬆自在。膳食質素很好，滿足旅客口味。旅遊用車也很舒適，令整體行程更輕鬆。中途的郵輪體驗特別令人印象深刻，增加了不少見識和樂趣。整個旅程安排和服務都很到位，帶來美好回憶.

  

  

  

  

  

  

  

  

  
• U0***13

  親子遊

  LCNNB08ND-260503
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/05/11

  感恩旅程順利開心難忘體驗~ 行程豐富多國遊 難得玩時好天氣 坐車先落雨 領隊導遊呀夕非常用心講解當地風土人情 仲有好多其他國家旅行團推介都好吸引 覺得跟永安跟呀夕去旅行都好值得推薦 旅途中家人不適呀夕都好悉心照顧 幸好不用去當地醫院 藥後有精神返繼續行程 有領隊同行歐洲遊會放心安心玩多d~

  

  

  

  

  

  
• T0***93

  朋友出遊

  LCNNB08ND-260329
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/04/06

  領隊Alex chan專業盡責，應變能力強，且熱情有禮風趣幽默，細心照顧每位團友亦擔當攝影師，務求滿足客人嘅需要。不斷提醒團友注意自己的財物，令成個旅程開心又放心！ 司機揸車安全平穩車箱清潔。西餐有驚喜！唯有天公有啲不作美😂

  

  

  

  

  

  

  

  

  
• R0***65

  LCNNB08ND-260329
  5.0超棒行程安排 5.0膳食安排 5.0住宿安排 5.0用車安排 5.0導遊安排 5.0領隊安排 5.0評價於：2026/04/05

  菠蘿的海芬蘭8天行程圓滿結束，原本參加西歐團，因杜拜轉機取消轉團，幸好今次旅程住宿和食宿方面都比想像中好，多謝領隊兼導遊Alex同當地司機Kuda，Alex安排行程細心，到達每個景點都熱心為各團友拍照，對大家都照顧周到，佢簡直係一本歐洲嘅百科全書，熟讀歐洲多國歷史，Alex平日主要帶歐洲深度遊，因多個歐洲團取消關係，今次先有幸跟Alex遊波羅的海同芬蘭，聽Alex介紹瑞士深度遊行程非常吸引，下次再報永安歐洲團都會考慮歐洲深度遊

  

  

  

  

  

  

  

  

  
• L0***12

  朋友出遊

  LCNNB08ND-260405
  4.8很好行程安排 5.0膳食安排 4.0住宿安排 5.0用車安排 5.0導遊安排 5.0領隊安排 5.0評價於：2026/04/12

  今次參加波羅的海加芬蘭旅行團非常有驚喜！波羅三國的景觀都很漂亮，而領導Eric都有詳細介紹當地歷史背景、民族發展及有關當地一些風土習俗及生活概況，講解非常詳盡。 值得一讚，領隊Eric非常勤力，每到達一個景點一定預先幫我們搜索有什麼手信，包括超級市場或者當地市集，第一時間或者預先把相片傳給團友們，方便大家去選購手信，感謝佢既用心！而且當地導遊講解，Eric會幫忙翻譯以及重點講解重點的歷史概念，令到大家更了解有關歷史。 最令人感到意外驚喜係從拉脫維亞出發去愛莎莉亞會有一段空檔時間出來，而當日車途比較長，Eric就帶我哋到愛莎莉亞當地度假勝地停車給團友們影相，遇到非常美麗既景色！ 成個旅程都非常順暢同景色優美，值得大家參加！

  

  

  

  

  

  

  

  

  
• G0***48

  情侶夫妻

  LCNNB08ND-260215
  4.8很好行程安排 5.0膳食安排 5.0住宿安排 4.0用車安排 5.0導遊安排 5.0領隊安排 5.0評價於：2026/02/24

  饍食安排非常好，每餐都很豐富美味！要多謝領隊Carol不懼風雪，到景點時為團友找到最佳地點，美好角度，自己手指凍得紅腫仍然熱誠地、細心地為每位團友拍照，滿足所有要求。上落車時又提醒地滑濕雪等等，雖然大風雪Carol仍笑容滿面地站在顯眼地方以便團友找到上車位置。今次旅遊真係「超乎」要求的好！一定要讃「永安」，更要讃Carol的專業服務態度！在此一提Hestia Hotel Europa in Estonia Tallinn, 房間暖氣供應壞了，酒店亦無法修理，只拿暖風機到房間。可能要跟進一下，免得下次冬天旅遊團遇到同樣問題。

  

  

  

  

  
• T0***94

  單獨旅行

  LCNNB08ND-251026
  4.7很好行程安排 4.0膳食安排 5.0住宿安排 4.0用車安排 5.0導遊安排 5.0領隊安排 5.0評價於：2025/11/03

  去完永安西歐團半年未夠，又再參加波羅的海及芬蘭團，今次旅行團仍然相當優質。 領隊Eric對波羅的海由歷史文化風俗到特別美食都相當熟悉，佢詳細嘅介紹亦都令今次旅程更具意義。Eric對團友始終保持友善同耐心，行程安排亦都相當細心，對於突發情況都有唔錯嘅應變能力。 唯一美中不足嘅係有景點因為維修或個別原因未能參觀，但旅行社亦有作出妥善嘅安排去完善行程。 雖然今次行程正值歐洲深秋時分亦陰雨綿綿，但煙雨濛濛反而帶嚟一份獨有嘅朦朧美感。而且黃葉隨風蕭瑟而下，令人感覺到秋意盎然，秋色宜人，又幫我增加歐洲靚相photo album. 最後多謝永安同Eric安排左一個咁美滿嘅行程，期待將來可以再次參加同樣優質嘅旅行團。