嚟日本旅行見到咩都咁靚，咩都咁潮，真係咩都想買囉！竟然去神社都有爆買！咩咁厲害！？之唔係買御手囉！
神社都好與時並進，今時今日出嘅御手都令捨潮過人，你睇下幾多波點，真係小鳳姐應該都會Like爆~(註：圓點係代表神明和圓滿)
新款御手都唔一定係梯形剪裁喇，已經進化到有飛機樣、士多啤梨形、招財貓添…..
除左御手可以祈福，仲有哩款幸福茶都可以，茶葉係金澤有名嘅加賀捧茶，絕對有品質保證！為左幸福，謹記內服外用先好呀！
原來金澤市真係有金執架！咪以為後生仔唔鍾意金，嚟到金澤市點都要土豪上身，財富同幸福一樣，都可以內服外用架！
金箔花864日元，飲港式奶茶時落又得、食西多士落又得、餐蛋麵落都得、計我話最啱落向個頹飯上面，當堂醒神晒，冇晒霉氣~
金箔原來唔止得金色，哩款光陽箔製作成不同顏色，女士們可以用嚟GEL甲添！仲唔係名副其實嘅金手指！
想更深入了解金澤文化，有時間的話不防參加貼金箔體驗班，即場跟導師學整金箔飾物。冇咩藝術天份的話，可以揀現成圖案做拼貼，效果一流架！
今井金箔
地址：金沢市幸町
想買特式潮物，識行，一定行哩條街新豎町。有啲似台北大安區，街仔細細但係集合左好多原創設計，有家品有服飾，等我慢慢行下先！
新豎町商店街
地址：金沢市新豎町
つづく
足本播送：
