香港去廈門高鐵時間和價錢

U0***96評價：

領隊廖小姐全程照顧有加，主動細心，團友們查問過嘅事都必定會跟進解決，絕對係一位值得加許嘅領隊 。 永安安排咗兩位能講流利粵語嘅本地導遊，真係非常親切。無論係聽導遊講解安排或介紹名勝，抑或同佢(哋)閒談聊天，我哋都十分輕鬆自在 。 膳食方面份量「十五分」足夠！我哋團人數唔算多亦唔算少，每圍枱八位團友，但每餐上桌食物嘅份量估計十二人都夠食 。想建議旅行社喺行程經過第一或二日之後「即時」作出膳食檢討和調整，假如每餐預算係固定嘅話，可唔可以喺「質」與「量」之間搵個更合適嘅安排，等唔使做成食唔晒嘅情況？ 觀光方面，本團首個參觀名勝係「土樓」，或者當天出發時間甚早（朝早六點前已需要到西九龍高鐵站排隊入閘），雖然參觀土樓全程時間約兩小時長，但當時狀態，體力有限，感覺上（純個人睇法）土樓部份可縮短三分之一，八十分鐘已經好足夠。 武夷山部份印象十分好，風景優美，市容舒閒，建築新簇，仿古特式倍添慢活風情，九曲溪嘅竹筏漂流旅程「峰」明水秀，令人心曠神怡，回味無窮。 喺武夷山去睇咗一個自費表演，叫《印象大紅袍》，係張藝謀製作嘅，非常好睇。我估會唔會係一啲「商業因素或考量」，旅行團介紹之中唔覺有提及，但其實個表演真係好值得去欣賞嘅，因為佢嘅製作係牽涉到當地大自然嘅特色，無可能喺其他地方表演得到，情形就似「幻彩詠香江」一樣，一定要係喺香港維多利亞港「表演」先成事。講返《印象大紅袍》個show，如果旅行社有預先提及，團友們就可以有更多時間自己去計劃。呢一點旅行社嘅安排令我有點費解。 整體行程除咗搭高鐵部份較頻撲之外，觀光都算輕鬆自在。但如果可以修改路線，回程時慢慢玩返轉頭，而唔係搭一程接近七個鐘嘅高鐵，相信會舒服好多。今次回程從上車到落車包括轉車時間足足6小時50分鐘（未計提早到出發車站侯車及抵港後嘅過關時間），真係十分之攰。整個旅程就因為最後嗰大半日高鐵車程嘅疲倦將之前嘅美好回憶多多少少都又扣咗啲分去。 總結：領隊盡責，導遊做足，行程豐富，美饌佳餚。

R1***19評價：

今次参加6天永安旅行團福建之旅，玩得十分開心及滿意，尤其是领隊 廖利利小姐 認真及熱誠的尊業工作態度，使旅程獲得圓滿享受。導遊王工先生，講解章州，夏門，鼓浪嶼的風士及歷史，非常尊業及風趣，董志強導遊在武夷山的風景很清楚及很有禮貌。利利在住宿酒店及高鐵座位的安排，也非常滿意。

M1***05評價：

是次六天行程令我和太太渡過一個十分滿意的聖誕假期。 福建土樓是我多年期待參觀的世遺建築，今次能親身入內參觀，領悟當年中國人的智慧，實在難得。其後遊覽鼓浪嶼，可一睹多幢各有歷史的特色建築物，令我大開眼界。更難得的是導遊王工對每一景點的詳細歷史介紹，令我像翻開了歷史百科全書般，印象深刻。探訪泉州蟳埔這歷史名城，又是另一番見識，當然少不了可見到很多穿上地道服裝的美少女啊😍 行程另一主要景點當然是武夷山，一到埗，當地導遊董志強已清楚而簡潔介紹各景點的特別資料，隨後到每一景點時再深入講解，令我印象清晰。由於天氣清朗，我和部分團友成功登上了天遊峰，晚上再觀賞了超好看的印像大紅袍。雖然寒風凜冽，但自從2008北京奧運開幕式，每次有機會遇到張藝謀的創作都不會錯過👍 當然，乘竹筏遊九曲溪又是另一次很值得的體驗。 是次行程完滿結束，除了天氣好，當然少不了領隊Lily 廖利利的細心安排。行程前五天，Lily已將當地資料如天氣等傳送我們，好讓我預早為旅程準備合適的禦寒衣物，隨後在起程前兩天再接續提供更新資料，充分突顯她的細心和責任心。她全程無論在高鐵上、旅巴上、餐飲期間以及景點當中都提供各種協助和提醒，令我在整個行程都覺得很愉快。她和各組團友都十分投契，令各組之間在行程初期已很快互相熟絡，令整個旅程都散發著歡樂愉快的氣氛。加上她與兩位當地導遊王工(廈門)和董志強(武夷山)的良好協作，Lily實在表現出色的領導力，加上兩位出色、貼心以及能操流利廣東話的導遊，令我對永安旅遊增添不少信心。