澳大利亞8日遊攻略丨永安旅行團推介

遊客評價：

行程舒適，沒有太辛苦，只是有一天要6點45分出發。但有一天可以自由行，睡久一點。小型飛機的旅程，安排好好。吃的食物好丰富。樣似混血兒的陳小姐說話又丰趣，又細心，樂於助人。她有急才，才智。可以為團友解決好多突發問題。各團友亦好開心，過這8天的旅程。 皇冠酒店的職員，執房忘記refill 厕所纸巾，令到最後一晚，無纸巾用沬面。酒店內游泳池好美，健身室又多健身器材，房間內的床好舒服，可以冷氣到半夜會突然好熱，睡醒了。

T1***03評價：

今次西澳之旅簡直係好食好住同好玩👍🏻👍🏻👍🏻👍🏻👍🏻行程節奏同時間安排啱啱好，唔會太趕太chur，玩得盡興之餘又有足夠時間慢慢欣賞風景、影相同休息。食物安排方面，真係要大大稱讚。海鮮部分嘅龍蝦、雪蟹、炸魚等等都非常新鮮。除咗海鮮之外，其他西餐嘅味道同賣相都令人滿意，中餐更加係冇得輸，好啱大家胃口。Free day嗰日我亦聽咗導遊Hebe推薦去食Yogurt，可以自己揀口味同配料，選擇多又新鮮，仲要超級好味，係非常好嘅推薦。每日用餐嘅時間安排都好配合行程節奏，唔會趕頭趕命。而住宿方面，兩間酒店都好乾淨企理。對清潔度要求比較高、甚至有啲潔癖嘅我，都可以話係非常滿意。房間舒適度十分高，空間又唔會太細。酒店嘅自助早餐同晚餐水準同樣出色，選擇唔少，味道亦令我滿意。用車方面亦值得一讚，旅遊巴環境整潔，座位舒適、空間適中，長途車程都坐得輕鬆，車內冷氣充足，亦唔會有侷促感。兩位司機先生都好Nice，上落車會幫手拎行李。而且駕駛又穩定，令車上旅程安全又舒服。今次旅程中最想重點讚賞嘅，當然就係導遊Hebe。Hebe對團友嘅照顧非常細心又盡責，例如去到尖石峰同自然之窗呢啲地形較為崎嶇嘅景點，佢會提醒大家山路唔平，要小心行路、注意腳下，行得比較慢嘅團友佢亦會特別留意。喺車上，Hebe對澳洲景點同在地文化嘅知識非常充足，講解邏輯清晰，語氣親切，易聽易明，大家都可以一邊欣賞風景，一邊吸收知識。遇到突發情況，佢亦都可以迅速應對，隨機應變、臨危不亂。更難得嘅係，Hebe好識帶動氣氛 ，幽默感十足，笑聲時不時喺車廂響起，同團友打成一片，令旅程絲毫不覺沉悶。而且每一日佢都會以message提醒大家集合時間同地點，以及需要注意嘅事項。資訊清晰，一睇就明。Hebe亦都非常貼心，例如係第二日嘅天氣可能會落雨，Hebe會主動提大家把遮要跟身。去到各個景點，Hebe亦都會主動幫團友影相。今次係我自己一個跟團，Hebe非常照顧我，同埋成日關心我有冇走失左🤣令我覺得非常窩心同安心🫶🏻今次西澳之旅令我非常之開心，無論係行程、膳食、住宿、用車，抑或係導遊Hebe嘅帶領，都達到我心中非常高嘅標準，甚至可以話係超出預期。下次有機會嘅話，我一定會再報永安嘅團，亦都會第一時間推薦畀身邊朋友。多謝永安用心成就一次真正好食好住同好玩嘅旅程，為我留低好多珍貴嘅回憶🫶🏻希望下次仲有機會跟Hebe帶嘅團😎

J1***76評價：

粉紅湖好震撼真係好靚，可以坐飛機係天空上觀賞，滑沙，親親樹熊Hebe服務和態度和細心我全部俾100分 唯獨有一餐lunch唔好，你們公司只安排食減肥沙律，後來Hebe立即處理，幫我們安排第二啲餐食，佢真係好叻女，立即處理好問題👏🏻👏🏻👏🏻👏🏻 Suggest你們可以增加西澳Mandurah 海鮮船，真係好值得

I0***01評價：

珀斯八天團景點多, 令人難忘:- 行程 : 雖然景點多, 但每個景點導遊都有預留足夠時間給團友拍照及觀光, 最難忘是乘坐小型飛機觀看粉紅湖(行程更包括在地面觀看粉紅湖)及滑沙。 美食 : 無論中式、西式及自助餐都能夠品嘗到, 當中有兩晚餐在中菜食肆品嘗美食，非常滿足。此團當中有六餐都有三至四個主菜任由團友選擇, 都很滿意, 但如菜式中能加入沙律的選擇就更完滿。 住宿 : 全部酒店房間都空間很大, 當中Rendezvous Hotel 有驚喜, 房間有露台, 面對沙灘又近超市。而The Gerald Apartment Hotel都是較近超市 及 Chemist, 唯獨此酒店白毛巾有淺黃色及比較舊, 感覺不夠衛生。 導遊(趙生/廣仔) : 是個資深的導遊, 為人細心及樂於助人。每到一個景點, 他務必先為團友拍照。如景點有需要注意事項, 他亦會提醒團友。每朝的集合時間及在酒店如何聯絡他, 他都會有whatsapp通知。每到酒店, 團友都很快取到房卡, 不需在酒店大堂長時間等待。 司機(Kim) : 為人親切、駕駛技術好, 雖然行程有多次長途車程, 但亦感到很安全。 還值得一讚是由於澳州是飲用自來水, 因怕團友不習慣或水土不服, 所以每天出發時都會每人送一支水。

C0***70評價：

行程安排非常好，能夠欣賞到西澳特色的景點。食宿安排也有很達到高的標準。隨團領隊Agnes十分專業，行程中每一個細節都安排得很好，例如為每位團有穿防沙鞋套；為生日的團友準備慶祝蛋糕；用手機預告每天的行程安排；旅途中詳細介紹景點的特色；親力親為團友安排好每一餐膳食，我和太太都感受到领隊Agnes的工作熱誠，都認為她是我們多年參加旅行團遇到最好和最稱職的一位領隊。總括來說，我們非常滿意今次的旅行體驗。

T0***00評價：

感謝領隊亞KWONG及司機Kim這幾天嘅照顧! 亞KWONG對每一個景點都非常熟悉, 每一次都會生動地講解每一個地方的歷史由來也會沿途分享一些趣事或經驗! 司機Kim的駕駛技術及態度很好, 令我們可以安心在稍稍長途的車程中安心休息! 每一次返回車上Kim都會報以一個燦爛的笑容或一句問好!

T0***34評價：

整體安排不錯，特別是領隊Elaine Man，能細心照顧團友，到達景點時，替我們找個有利的位置拍照，並會詳細講解當地及景點資訊，用餐時，自行製作餐膳圖片，令當地工作人員能夠快捷順利上餐，此外，每天有whatapp提示注意的地方，及行程的安排，會推介親友參與這個團 建議安排逗留威靈頓山可以長一點，因車程需要較耐，感覺有點浪費，走馬看花，明白受到天氣影響，若能多點時間，待天氣穩定時再作觀光 整體滿意，非常享受在塔斯曼尼亞的日子😎😜🌞🥂

T1***39評價：

冇諗過人生第一次參加旅行團，便遇着一個咁資深嘅導遊及領隊，本身極度唔鍾意去旅行的我，我仲要帶住激鬥麻煩的兩老，報名之後已經開始非常擔心，好像日日倒數準備行刑咁，當出發前一星期左右收到導遊elaine 既聯絡之後，個心就已經定咗好多，專業及快捷有禮嘅回應都令我10分放心。同我想像中嘅導遊截然不同。 行程中elaine, 表現專業，令我眼界大開，冇諗過原來導遊都可以係咁專業。整個旅程安排得非常仔細，無論用餐，景點介紹，交通安排都交代得10分清楚及準時。又用很多時間同我哋講一些生動的故事。旅程中遊協助我處理家人的情緒問題。開朗快樂嘅性格，也影響了我們不少。總括來說。遇上了一個聲稱自己係流著永安的血既導遊，真的10分幸運。期待再有機會跟elaine 去旅行。

K2***85評價：

從墨爾本到朗賽斯特的行程安排得非常好，塔斯風景很美，一路品嚐當地美食、海鮮、Tasmania的生蠔非常鮮，嚟到一定要試，我哋的領隊Elaine超贊，很了解澳洲當地文化，而且非常細心，有Elaine咁好領隊，令整個行程都很美滿，最後感謝佢幫我哋影咗好多靚相。