澳大利亞8日遊攻略丨永安旅行團推介

E0***71評價：

8天旅程的行程尚算豐富，可惜有一，二天下微兩，領導兼導遊Kate Cheung 景點解釋詳細，照顧團友细心，又常幫團友們攝影，至於住宿尚可，Movenpick 酒店，早餐非常好，但房間房務員清潔方面要多加注意，用過毛巾放厕所枱面，又没有收走，冇厕纸又吾換，茶包飲完又冇重新放下，執房只清理垃吸筒及執牀，但整體來锐行程ok

R0***28評價：

選擇永安旅遊沒令我失望，出發前安排入澳航貴賓室是其他旅行社沒有的。領隊兼導遊Kate細心又熱心照顧每位團友，講解詳細又WhatsApp 資料給每位團友。每到景點都幫團友在最佳位置拍攝，攝影技術一流。下次都會參加永安旅遊

遊客評價：

Kate Cheung 非常非常之細心，每一日安排嘅行程同埋每個細節都非常用心處理，第二日飛去塔斯曼利亞班機突然取消，佢處理得好好，係佢同公司極力爭取可以安排另一時間飛，令我地不至延遲和打亂行程，今次旅程係我最開心嘅其中一個，返到香港真係好唔捨得佢，多謝佢嘅悉心照顧，希望下次旅程可以都係佢做領隊。🥰

L0***01評價：

十分感謝領隊Rita張小姐，帶領我們Chill遊西澳洲。Rita親切有禮，專業盡責，資訊豐富詳細，用心照顧團友們各項需要。而司機Jerry亦很服務周到，盡量縮短各景點上落車的步行距離，非常貼心。特此向兩位工作人員衷心致謝！ 是次海陸空全方位感受西澳之美，處處充滿驚喜和難忘回憶。最期待的空中俯瞰粉紅湖，果然是本團的主題項目，偌大的粉紅色湖面非常震撼，而特別加遊的湖邊打卡，更見到天空之鏡的美景，真是喜出望外！ 曼哲拉水道巡遊又是滿載歡樂的時光，多條海豚船邊追逐嬉戲，團友的歡呼聲笑聲此起彼落！ 天鵝谷酒莊午膳、弗里曼圖週末市集、龍蝦漁舍特色午餐、沙丘滑沙體驗、𣈱遊國家公園欣賞奇特自然風景……多姿多彩的西澳旅遊樂趣！ 十分期待下個永安之旅！

M0***33評價：

今次係我哋第一次跟團旅行，本來諗住跟團會好悶，主要適合老人家玩，點知完全出乎意料，真係玩得好輕鬆同開心。 呢個西澳團行程安排得好豐富，西澳比我想像中靚得多！第一次搭小型飛機感覺好新奇，從高空俯瞰粉紅湖，景色靚到爆。旅程中仲見到好多澳洲獨有嘅動物，除咗袋鼠同樹熊，仲有機會同可愛嘅袋熊影合照。 領隊晴晴Germine性格開朗活潑，每日都落力同我哋介紹當地歷史同埋有趣嘅資訊，每晚仲會WhatsApp定好第二日嘅安排，令到我哋完全冇煩惱，只需要盲跟就得，感覺輕鬆又舒服。司機Ricky開車好穩，我哋成團16個人坐大旅遊巴，一上車就瞓着，成程車程都好舒服。 最幸運嘅係，咁啱今次團友好多都同我哋差唔多年紀，係一班年輕人，大家傾得嚟好投契，令到整個旅程氣氛熱鬧又開心。 另外值得一提嘅係，行程中有一日係自由活動（亦可以選擇跟導遊市內遊），我哋就自己去咗Rottnest Island玩。島上風景靚到爆，仲可以同超可愛嘅Quokka合照。呢種有彈性嘅安排，令我哋感受到原來跟團都可以好自由。 總結嚟講，今次西澳之旅真係超出預期，玩得非常愉快。強烈推薦畀想輕鬆又想玩得開心嘅朋友～

Q0***68評價：

行程安排好。特別是領隊適當調整旅遊景點觀光順序，顯得更加合理。 膳食不錯。出發前，領隊就讓大家選擇膳食品種，無論是中餐或西餐，食材都新鮮，口味都滿意。而且餐廳環境也不錯。 住宿滿意。特別是柏斯三晚五星酒店，鄰近市中心，購物和出行觀光都便利。 用車和司機好。旅遊巴士車況好，駕駛員技術好，開車很穩，搬運行李主動，特別是每次停靠景點，都會盡可能靠近景點，方便我們上下。 領隊很好。講解仔細，特別事項手機上告知，出入境等安排都很熟練，特別是自由活動這天，辛苦地帶我們遊覽城市。特別是對我們兩位近70歲長者很關照，有困難及時幫助解決，非常感謝她！

T0***61評價：

領隊NAGAFEI LIE帶團經驗豐富，行程安排妥當，對團友關顧有加，經常幫助團友解難，令大家玩得開心又放心。👍👍 唯酒店一般床太軟，整個人都窩了進去，轉身也有困難，希望酒店能考慮改善。 農埸燒烤餐也可改善一下。 整體行程都開心嘅，謝謝。

I0***31評價：

這次我們澳洲初体驗，真的很難忘！第一天便可在澳航貴賓室用膳，真的未出發便吃飽飽！第二天甫落機便展開行程，雖然有點倦，但望見大自然嘅鬼斧神功如十二門徒石和六合谷等靚景又感覺是值得。第三天在墨爾本參觀維多利亞市場品嘗很多澳洲特產如 Tsamina'sCherry, Pink lady apple & R2E2 芒果等，更買了很多特式手信。第四天我們飛到塔斯曼尼亞，夜探小企鵝又是另一個有趣的体驗。企鵝仔由大海回巢，經歷重重障礙，記攪笑又可愛。第五天我們在搖藍山和鴿湖經歷了陰天和晴天之變化，拍下不同時段之靚景。第六天未到荷伯特之前，我們先去了一個農莊參觀。親身看到牧羊犬趕羊的感覺同電視上看到的完全不一樣！牧羊犬隨着主人每一句指令做對應的工作，又醒目又有效率又忠誠，令人讚嘆。預備離開農莊之前，一對農場工作犬又親親地伴着我們，令我們依依不捨，心也被溶化了。第七天我們到達被列入文化遺產之阿瑟港參觀，這個歷史遺蹟，背後隱藏很多獨特又怪異的故事，喜歡尋根究底的朋友一定會鍾意。最後一天，我們與在塔斯曼尼亞陪伴了兩天的車長道别，他安全送達我們到每一個觀光點又介紹特别的地點給我們認識，幽默風趣又記語我們要再來這兒玩，我們也回敬他一句“ I will be back"，大家也在哈哈大笑中結束這個令人很有回憶的旅程。

S0***83評價：

鍾意大自然景觀同埋動物一定唔可以錯過呢個團，不過團餐可以有更加多選擇，同埋旅行團可以再長多兩日