意大利11日遊攻略丨永安旅行團推介

L2***91評價：

第一間住嘅酒店竟然仲用舊式吹風機、可以加入古董旅行團、就唔係好適合現代人用呀.有部分嘅酒店嘅風筒、如果過熱會自動停止、長頭髮嘅客人就好唔方便、可以提一提啲顧客有需要自己帶個風筒去歐洲.膳食方面大部分餐廳都比較鹹、其中有一間攞獎嘅餐廳、D薄餅既然燶底照畀客食？！最好食竟然係中餐、喜出望外.另外有一日自費旅行去維羅納、去到都係一個外觀冇包入場、加上當天落雨、雖然都係大家投票通過話去、是否一定要去嗰個地點呢？留喺米蘭多半日總好過淋雨.起碼有瓦遮頭唔使攪到一褲都係濕曬.另外一讚嘅就係領隊先生、接近尾聲幾日領隊帶病上陣、感冒加上聲沙仍努力為我哋介紹各處景點、發揮佢嘅專業精神、值得加人工！多謝nelson。我提議可以多D時間喺羅馬同米蘭、去購物.參觀outlet嗰個環節可以取消、商品唔係好啱我哋買。以上全是個人意見、如有疑問可以聯絡我。捉貴公司業務蒸蒸日上。

R2***47評價：

Annie Yam 領隊表現出色及團業。她有豐富領歐洲团经驗。她沿旅講解當地風土文化，風趣到位。及細心照顧各团友之需要，也當盡力協助。责任心及時間管理強，令每天行程安排也顺利完成。原來跟团也很有趣味及得着。讚！

M0***69評價：

滿懷忐忑嘅心情第一次參加旅行團，幸好見到Annie領隊，佢在出發前1個星發WhatsApp當地的天氣，告知我們需要收集的衣服，準備物資，電話卡及注意事項⋯⋯另外錄音詳細解釋，真如開茶會一樣。在旅行中，詳細講解，貼心服務，態度親切溫暖，旅行在著名景點幫忙拍照留念，在上雪山時，準備好貼心朱古力糖果🍬，減低團員高壓發生反應，超級細心！每日都把我們相片修圖完美，先再發回給我們，旅行結尾時還準備紀念卡及一段全旅程總結影片送俾我哋留念，真係超級窩心，Annie,非常感謝你😊！你係超級無敵領隊👍👍

T1***89評價：

最初都有猶豫報旅行團定係自由行，基於冇時間計劃行程同埋想一次過去多幾個地方，所以都係揀咗報團。跟咗Annie呢個團之後，好慶幸有揀到跟團，亦都對旅行團嘅印象完全改觀。 價錢相近嘅團可能行程上都相差無幾，我覺得令到今次呢個體驗咁特別嘅原因係Annie呢位領隊。Annie由登機前briefing已經以姓氏稱呼團友，每一個細節都不厭其煩咁解釋完再提醒，開頭覺得知喇知喇明㗎喇，後來諗如果自己父母跟咁樣嘅團，我都會好放心。 旅程中Annie準備左唔同嘅小工具幫手，例如小錦囊、引路公主遮、地圖、上雪山時防止高原反應嘅得力素同朱古力、購物攻略等等，全部都睇得出Annie嘅心思、責任心，同埋想大家玩得開心嘅呢份心意。 因為有Annie幫我地揀靚位影相，甚至出動圍圈圈大法，然後不辭勞苦即晚執相send返比我地，我地今次先至有咁多咁靚嘅全身照。 出發前我無做任何功課，淨係睇左Annie send出黎嘅注意事項，不過因為Annie經驗豐富，永遠係我地問問題前已經提左我地（3次）要點做，所以大家都好清楚幾點要做啲咩同埋點做，成團都好有效率好順暢。 另外，Annie會因應天氣同交通狀況調動行程，令我哋可以影到最多靚相，同埋善用旅行寶貴嘅時間。 每日嘅車程都好長，但係一啲都唔悶場，因為Annie會深入淺出咁分享好多同行程相關嘅歷史故事，令我哋遊覽嘅時候更加投入其中。 總括而言，因為Annie嘅專業同埋細心，令到今次嘅旅程生色不少。今次之後，我會想再參加長線團，希望有機會再跟Annie去其他地方玩。謝謝你，Annie!j