陝西5日遊攻略丨永安旅行團推介

C0***61評價：

今次參加永安西安團，完全感受用心安排。天氣咁熱，先送每人一杷小風扇解熱，每當上旅遊巴，領隊導遊又馬上派冰凍嘅水比團友消暑，重點係無限供應，兼領隊導遊親自拎比你，唔係叫你自己隨便拎，永安公司送上包裝紙巾，消毒抹手濕紙巾，又窩心又實用，跟住又派張數據卡俾你，方便你用支付寳付款，最少我唔使比錢去買。旅遊車就更加舒適到加零一，又乾淨冷氣又足，未開車，司機趙師傅一早著定冷氣。又有禮貌又熱誠，到景區第一時間落車，幫手搬長者輪椅，呢啲服務態度邊可能呀，2加1座位簡直無得輸。西安餐食你真係多到估唔到，完全配合港人口味，雖然每餐有麫食，但係款款不同，西安餃子、大秦禮宴、龍頭酒肆，全部獨立廂房，唔係坐大廳，餸菜真係多到食唔晒，酒店就入住5星喜來登，樓下地鐵站，大型商場大把超市商店。至於今趟旅程簡直上咗一課歷史課堂，我們導遊君君全程粵語講解，將秦朝、漢朝興衰，大唐盛世，利用新時代貼地方式講解，簡直中國歴史老師，無她講解，我想講我都唔知來做乜，最後我們香港領隊Kei Yau亞基，他服務體貼度是跟團從未見過，又扶又拎，為咗照顧，跑上跑落。最少我從未見過有領隊會提醒團友小心食魚，今次旅程令我感到無微不至服務，可以說永安旅遊你好勁，有一班咁有熱誠工作人員，完全做到在乎客感受！最後我祝永安旅遊生意蒸蒸日上！ 《去西安，一定跟永安》👍

G8***18評價：

本人多年未有參加旅行團，今次西安行程完結，體驗極佳，由衷讚賞一眾工作人員專業用心嘅服務。趙司機、導遊阿君、領隊阿基，全程盡心盡力照顧每一位團友。 先講趙師傅，駕駛態度專注穩妥，行車安全可靠。今次乘坐37座1+2豪華冷氣旅遊巴士，每日都見趙師傅細心清潔、整理車廂，環境時常整潔舒適；為人守時有禮，全程恪守規範、絕不吸煙，令大家坐得安心自在。 導遊阿君談吐溫文有禮，學識深厚，全程以廣東話講解西安嘅歷史淵源與文化背景。本來略顯沉悶嘅歷史知識，經佢生動淺白嘅演繹，前後脈絡清晰，令我哋可以輕鬆掌握各朝文化背景。遊覽兵馬俑、大明宮遺址、各大博物館、古城牆、古宅大院期間，講解內容翔實細緻、娓娓道來，盡顯責任心。去到華山行程，阿君亦由頭跟到尾，陪伴大家登山，應變周到，專業度值得高度肯定。 至於領隊阿基，舉止得體、服務細緻周到。每頓用餐，佢都會聯同導遊阿君，確保全場團友嘅餐食妥當上桌之後，先至進食；閒時亦會介紹陝西特色菜式，等我哋來自南方嘅團友，可以認識當地飲食風情。 今次團內有長者需要輪椅出行，惟西安不少景點無障礙設施尚有不足，經常要繞道避開樓梯。每當遇到困難，阿基就專責照顧輪椅客人，妥善協助完成行程。每日佢都熱情滿滿，笑容親切對待每位團友。西安天氣乾燥酷熱，每個景點參觀完畢，阿基都第一時間喺旅遊車預備冰水，每日無限量供應，舉動十分貼心。 另外旅行社嘅膳食安排亦見心思，每一餐都安排獨立包廂，菜式富有陝西在地風味，短短五日，盡嘗當地特色美食。 未到過西安嘅朋友，我非常樂意推薦永安旅遊，旅程體驗令人相當滿意，值得信賴。

I0***27評價：

領隊講述行程相當清楚， 全程押後保障團友不會走失，每日提點團友 帶備的行李都相當之啱用，相當細心 留意團友每一句的說話，我只我只是提及過一次我仔仔生日他已記在心裏晚上送給我們蛋糕 相當暖心，還有在結尾時都介紹了很多其他的產品給我們認識到永安有其他的服務產品令我下次都會即刻有興趣再跟上。 導遊 全程廣東話 很好的安排，每個景點都提前處理好入場票的問題 到了景點之內 豐富的歷史 無懼的回答 充分感受到他的底氣 已對每一日的衣着和天氣的安排，亦都提點得10分準確 餐廳的提前準備亦都10分細心，每次都安排得很好 每個景點的注意事項都10分詳盡 ， 還有令我最驚喜的是認識了唐朝之前的中國歷史 對我兒子及我自己的見識也增廣了很多 還有部份的野史是他從書裏所找到的 也一一 送給我們 10分精彩的歷史故事之旅。 司機 每次上落都10分到位 很有禮貌 車子也揸得很穩定 水也10分充足 上落行李亦都十分之好 特別在睇兵馬俑時間 天空下着大雨 師傅更加在最近的位置放低了。我們令到我們的鞋子保持乾爽 真的是10分感動。 總括而言 這個永安旅行團 雖然比其他旅行社貴 但是都10分值得 無論食住玩 都在其他的旅行社之上 10分值得推介給身邊的朋友。 因為我們多付給他的金錢他都全數消費在我們身上了。 在食主方面充分表現出來。