維多利亞7日遊攻略丨永安旅行團推介

U1***99評價：

感激可以遇上非常專業細心、兼且照顧周到嘅領隊Sylvia Li ！❤️ 今次係與家姐一齊陪同88歲媽咪一齊去澳洲旅遊！ 由於到達悉尼第一日已經直接開始行程，喺藍山國家公園嘅觀景世界坐52度觀光列車時，因為觀光列車第一排與最後一排中間應該有幾十級樓梯上落。Sylvia已經細心地與工作人員溝通，安排媽咪可以坐列車嘅最後一排，免得媽媽要落好多級樓梯先可以上到觀光列車……細心👍 此外，Sylvia全程亦好主動同樂意提議最佳拍攝位置，同埋密密手地幫各團友們影相…..細心👍 喺漁人碼頭因為有啲團友唔食海鮮，我見Sylvia都會主動陪同團友周圍搵啱佢哋食嘢嘅地方…..細心👍 參觀悉尼歌劇院，因為有團友都未必可以行太多路，所以Sylvia都細心地盡力安排有需要嘅團友可以去到有得坐或食嘢嘅地方休息吓，等候我哋參觀完之後再接返一起繼續行程…..細心👍 乘坐普芬古董蒸氣火車，因為落得比較大雨，未必每位團友都坐喺窗框上影相，但仍有冒雨坐窗框嘅團友，Sylvia 亦唔怕冒着大雨企出火車外幫團友們影相…..細心👍 去到維多利亞市場，我哋有詢問過有冇賣堅果嘅地方，Sylvia亦好細心地一見到有賣堅果嘅地方會即刻WhatsApp我哋喺邊個位置可以搵到……細心👍 去到菲利普島夜觀小企鵝回巢，Sylvia喺行去觀景台嘅途中，已經同我哋講咗可以早少少離開觀景台，行到小路上嘅某些位置，都可以睇到小企鵝回巢……細心👍 行程中所有可以停低逗留影相嘅地方，Sylvia亦好有耐心地幫助每組團友去影相留念……細心👍 膳食方面，大部分嘅午、晚餐都非常有水準及好味😋！ 但也有少數嘅一、兩間中式餐就仍需改善！ 中間還加插一幕「送上生日蛋糕 🍰 」……團友份外驚喜！…..細心👍 此外亦都想多謝兩地嘅司機哥哥Jacky & Eddie，每日都準時、盡力駕駛旅遊巴到最方便團友們上落嘅地點俾大家上車…..細心👍 整體而言，我們一家人都玩得非常盡興，真係感激可以遇上非常專業細心、兼且照顧周到嘅領隊Sylvia Li ！❤️❤️ 媽咪亦多次讚賞今次嘅領隊好好👍👍，希望之後如果有機會再同媽咪跟團嘅話，可以再次遇上妳 @ Silvia Li 🥰

K1***11評價：

十分滿意今次的澳洲旅程。我和妹妹及高齡的媽媽渡過了愉快的七天。首先感謝，我們的導遊Sylvia Li, 在整個旅程都很細心照顧着媽媽及其他團友，確保各人安全、盡興，所有細節都十分用心為我們安排及提點我們應注意事情（包括機場內、酒店住宿、景點內）使我們整個團各人也能完全投入旅程，打成一片，各人玩得很開心。還要多謝悉尼司機Jacky 和墨爾本司機Eddie，我們這幾天坐的旅遊巴也很新淨及舒服。 膳食方面，有中、西、越南菜，看得出也是精心挑選的餐廳。總括來說，這旅程是充滿着驚喜。

T1***72評價：

在這次參加永安旅遊的 7 天團行程中，我感到非常滿意。整體安排井然有序，行程設計既充實又舒適，讓我們能夠盡情享受旅途的美好。特別值得一提的是領隊 Sylvia，她展現了極高的專業水準，不僅對行程細節掌握得非常到位，還能隨時細心照顧團員的需要。她的耐心、細緻與親切，讓整個旅程更添溫暖與安心。能有 Sylvia 這樣的領隊，讓我們的旅程不只是一次旅行，更是一段難忘的美好回憶。