【釜山浦項5天團】香港出發直擊樂天世界Magic Forest、天空步道Space Walk、海雲台海岸列車

by wingontravel.com 2025年6月6日

永安旅遊精心策劃釜山浦項5天團，香港直航釜山，全程入住四星級酒店，無需頻繁更換，輕鬆舒適。暢玩釜山樂天世界、斜坡滑車，體驗海雲台海岸列車無敵海景，打卡Arte Museum、甘川洞文化村等熱點。品嚐地道韓式料理，盡享釜山浦項魅力！

永安旅遊
永安旅行團
【釜山浦項5天團】香港出發直擊樂天世界Magic Forest、天空步道Space Walk、海雲台海岸列車

1. 點解要揀呢個釜山浦項團？

釜山同浦項呢兩個韓國東南部嘅城市，近年真係越來越受香港人歡迎！呢個5日4夜嘅行程，我哋永安旅遊特別為大家安排咗全程入住釜山四星級酒店，唔使日日搬酒店，慳返唔少時間同體力，仲包埋酒店早餐同WIFI，真係夠晒歎！行程結合咗刺激玩樂（樂天世界、斜坡滑車）、絕美海景（海雲台海岸列車、X the SKY）、文青打卡（Arte Museum、甘川洞文化村）同埋地道探索（竹島市場、浦項天空步道），無論你係家庭樂、情侶拍拖定係朋友同行，都保證令你滿載而歸！

釜山浦項5天團

2. 行程總覽：5日4夜精彩預告

Day 1: 香港 ✈ 釜山 → 浦項 → 虎尾岬迎日廣場 → 竹島市場 → 午餐 → 浦項國立美術館 → 環湖公園Space Walk → 晚餐 → 入住酒店
Day 2: 釜山 → 海雲台海岸列車 → 午餐 → 海雲台X the SKY觀景台 → 海雲台電影大道 → Millac the Market → 晚餐 → 入住酒店
Day 3: 釜山 → 斜坡滑車Skyline Luge → 釜山樂天世界Magic Forest → 午餐自理 → 機張市場 → 晚餐 → 入住酒店
Day 4: 釜山 → 人蔘專賣店 → 韓流化妝品店 → 午餐 → Arte Museum → P.ARK海景玻璃屋咖啡店 → 南浦洞＋BIFF廣場 → 晚餐自理 → 入住酒店
Day 5: 釜山 → 保肝專門店 → 富平市場 → 午餐自理 → 甘川洞文化村 → 晚餐 → 釜山 ✈ 香港
Day 6: 凌晨抵達香港

3. Day 1：初探浦項魅力 – 天空步道與地道美食

行程： 香港國際機場乘搭客機飛往釜山，抵達後專車前往浦項。

【虎尾岬迎日廣場~相生之手】(遠眺) (遊覽時間：約1小時)

介紹：位於韓半島最東端，係韓國觀賞日出嘅著名景點。「相生之手」係一個巨大嘅青銅手雕塑，一隻手喺陸地，一隻手喺海中，象徵住和諧共生。雖然今次係遠眺，但依然可以感受到佢嘅宏偉。

【竹島市場】(遊覽時間：約1小時)

介紹：浦項最具代表性嘅傳統漁市場，充滿活力。你可以見到各種新鮮生猛海產，感受到當地人嘅生活氣息。

午餐：馬鈴薯仔豬骨鍋

介紹：熱辣辣嘅豬骨鍋，豬骨炆到軟腍入味，配上粉糯嘅馬鈴薯同惹味嘅湯底，暖心又暖胃。

【浦項國立美術館】#(遊覽時間：約1小時)

介紹：展示浦項作為鋼鐵城市嘅特色，以及各種現代藝術作品，係一個結合工業與藝術嘅文化空間。
如遇浦項國立美術館不定期休館或維修，則以九龍浦近代文化歷史街作取代。

【環湖公園Space Walk 天空步道】(遊覽時間：約1小時)

介紹：近年浦項最新最紅嘅打卡點！外型好似過山車路軌嘅步行天橋，全長333米，最高點達25米，行上去可以360度飽覽環湖公園同浦項市景，刺激又好玩！

晚餐：韓豚燒烤

介紹：嚟到韓國點可以唔食韓燒？品嚐優質韓國豬肉，喺烤盤上滋滋作響，配上生菜同各式泡菜，滋味無窮！

住宿： 釜山Asti/Avani Central Busan/Lavalse/ Shilla Stay/Centum Premier/Ramada Encore by Wyndham Busan Station/Solaria Nishitetsu Hotel※ (或同級，以永安旅遊最終安排為準)

虎尾岬迎日廣場

釜山浦項5天團

4. Day 2：釜山海岸風情 – 海雲台列車與城市之巔

早餐： 酒店內享用
行程： 早上約09：30離開酒店

【Haeundae Blueline Park海雲台海岸列車乘搭體驗】(單程約30分鐘，總遊覽時間：約1小時)#

介紹：超人氣嘅海岸列車！復古外型配上繽紛色彩，列車座位全部面向大海，由尾浦站至松亭站 (或反向)，沿途可以欣賞到東釜山嘅無敵海景，海天一色，靚到dum一聲！
如遇海岸列車維修或其他因素而未能安排，則以海雲台River Cruise 遊艇體驗作取代。

午餐：海雲台海鮮烤貝料理

介紹：喺海邊梗係要食海鮮！新鮮嘅扇貝、鮑魚、大蜆等放喺烤爐上，鮮甜味美，充滿海洋氣息。

【海雲台X the SKY 觀景台】(包入場)*(遊覽時間：約1小時)

介紹：位於韓國第二高建築 (411.6米) 海雲台LCT Landmark Tower嘅98-100樓，係俯瞰海雲台海灘、廣安大橋同釜山市景嘅最佳位置，仲有刺激嘅透明玻璃步道，畏高者慎入！
*如遇X THE SKY 觀景台休館或其他因素而未能安排，則以天空膠囊列車作取代。

【海雲台電影大道】(遊覽時間：約30分鐘)

介紹：釜山係國際電影節嘅舉辦地，呢條大道上有唔少電影相關嘅雕塑同手印，可以感受釜山嘅電影文化氛圍。

【大型複合文化空間 Millac the Market】(遊覽時間：視乎當日安排)

介紹：一個集餐飲、購物、藝術於一身嘅潮流熱點，擁有超大落地玻璃窗，可以望住廣安大橋歎美食，氣氛一流。

晚餐：人蔘雞湯

介紹：韓國傳統補身料理，原隻嫩雞塞滿糯米、紅棗、人蔘等燉煮，湯頭清甜滋補，雞肉嫩滑。

住宿： 同Day 1

海雲台海岸列車

釜山X the Sky觀景台

海雲台電影大道

釜山浦項5天團

5. Day 3：動感釜山 – 斜坡滑車與樂天世界大冒險

早餐： 酒店內享用
行程： 早上約09:00離開酒店

【斜坡滑車Skyline Luge】(包2次體驗) (遊覽時間：約2小時)*

介紹：男女老少都啱玩嘅刺激活動！自己控制無動力滑車，喺特製賽道上高速滑行，感受速度與激情，仲可以欣賞沿途風景。玩兩次包你唔夠喉！
*斜坡滑車Skyline Luge身高85120公分的兒童，可與身高在150公分以上，且年齡在19歲以上的成人陪同搭乘。

【Lotte World Adventure Busan釜山樂天世界Magic Forest】(包入場連任玩套票 )(遊覽時間：約5小時)

介紹：釜山最新嘅大型主題樂園！以「魔法森林」為主題，有刺激嘅過山車、夢幻嘅城堡、精彩嘅巡遊表演，啱晒一家大細或者童心未泯嘅你！

午餐： 於樂天世界內自理
【機張市場】(遊覽時間：約30分鐘)

介紹：以新鮮平價嘅海產聞名，尤其係長腳蟹！雖然晚餐會食，但都可以嚟感受下市場嘅熱鬧氣氛。

晚餐：機張長腳蟹料理+蟹膏炒飯

介紹：嚟到機張，必食長脚蟹！原隻清蒸，肉質鮮甜彈牙，蟹膏甘香濃郁，最後再用蟹膏精華炒飯，啖啖都係滿足！

住宿： 同Day 1

釜山天際線斜坡滑車

6. Day 4：藝術文化購物樂 – 數碼藝術館與南浦洞尋寶

早餐： 酒店內享用
行程： 早上約09:00離開酒店

【人蔘專賣店】[購物點] (停留時間：約1小時)

介紹：了解韓國國寶級人蔘嘅功效同種類，可以選購唔同嘅人蔘製品作為手信或自用。

【韓流化妝品店】[購物點] (停留時間：約1小時)

介紹：搜羅最新最潮嘅韓國美妝護膚品，幫自己扮靚靚，或者買畀親朋戚友都啱。

午餐：釜山名物：豚肉湯飯

介紹：釜山代表性美食之一！用豬骨長時間熬製嘅奶白色濃湯，配上嫩滑嘅豬肉片同白飯，簡單而美味。

【「沉浸式數碼藝術館」釜山Arte Museum】(包入場) (遊覽時間：約1.5小時)

介紹：利用光影、聲音同香氣打造出超現實嘅沉浸式藝術體驗。多個唔同主題嘅展區，例如「海浪」、「繁花」、「星光」等，每個角落都係打卡位！

【P.ARK人氣海景玻璃屋咖啡店】《窩心安排》每位客人享用飲品乙杯 (停留時間：約1小時)

介紹：位於影島嘅人氣Cafe，全落地玻璃設計，可以270度欣賞無敵海景同釜山港大橋。我哋特別安排每位一杯飲品，俾你慢慢嘆，chill住打卡。

【南浦洞＋BIFF廣場】(自由活動時間：約3.5小時)

介紹：釜山最熱鬧嘅購物區之一！南浦洞有各式服裝店、美妝店、小食攤；BIFF廣場（釜山國際電影節廣場）地面有電影名人嘅手印，周圍亦有唔少戲院同街頭小食，例如堅果黑糖餅。

晚餐： 於南浦洞/BIFF廣場自理 (可以試下黑糖餅、辣炒年糕、魚糕等地道小食)

住宿： 同Day 1

BIFF廣場

南浦洞

ARTE MUSEUM 釜山

釜山浦項5天團

7. Day 5：地道市場與文化村 – 釜山深度體驗後回港

早餐： 酒店內享用
行程： 早上約09:30離開酒店

【保肝專門店】[購物點] (停留時間：約1小時)

介紹：了解韓國護肝產品，有需要可以選購。

【富平市場（罐頭市場）】(自由活動及午餐自理時間：約2小時)

介紹：同國際市場相連，因為早期有美軍罐頭等進口貨品而得名。而家係一個充滿地道特色嘅傳統市場，有好多韓國小食、雜貨、服飾等，可以喺度尋寶兼解決午餐。

【「韓國觀光100選」甘川洞文化村】(遊覽時間：約1.5小時)

介紹：被譽為「韓國版聖托里尼」，色彩繽紛嘅小屋沿山坡而建，錯落有致，充滿藝術氣息。村內有好多壁畫、裝置藝術同特色小店，記得同小王子、沙漠狐狸雕像打卡！

晚餐：韓式嫩豆腐料理

介紹：香辣嫩滑嘅豆腐煲，有多種口味選擇，例如海鮮、牛肉、豬肉等，配白飯一流，暖笠笠好惹味。

行程： 晚餐後，專車前往釜山金海國際機場，乘搭客機返港。

※回程航班於第6天凌晨抵港，建議購買6天旅遊保險。旅行團服務費以5天費用計算。
※釜山航空於來回程航機上均不設餐飲服務。
※釜山航空香港往返釜山每位客人20公斤寄艙行李。

甘川文化村

8. Day 6：凌晨抵港

航機於凌晨抵達香港國際機場，旅程圓滿結束！

9. 住宿體驗：全程四星級舒適享受

酒店亮點：

全程入住釜山四星級酒店： 唔使日日執行李、轉酒店，玩得更輕鬆自在。
指定酒店參考： 釜山Asti Hotel Busan Station / Avani Central Busan / Lavalse Hotel / Shilla Stay Haeundae / Shilla Stay Seobusan / Centum Premier Hotel / Ramada Encore by Wyndham Busan Station / Solaria Nishitetsu Hotel Busan (或同級)。