【富國島5日4夜行程懶人包2025】全程五星酒店、玩盡水陸樂園、打卡求婚橋

R0***19評價：

全個行程領隊、導遊同司機都合作無間，帶畀我哋既開心又寫意嘅旅程！尤其是香港領隊楊楊，全程主動同團友溝通，每個景點都會同我哋影好多靚相，好多謝佢熱誠嘅付出，希望貴公司可以畀多啲機會佢，佢絕對係一個非常稱職嘅導遊，有機會再跟永安旅遊我都會搵返楊楊帶隊！！另外富國島嘅司機哥哥默默付出，每日令到車廂一塵不染，太陽曬佢會全車同我哋拉埋窗簾，等我哋上車唔使熱辣辣舒舒服服可以休息！ 行程安排方面，第三日真係馬不停蹄，全日未停過，或者可以分一個大景點去第四日，大家都會比較舒服，尤其是對團中有啲老人家嚟講真係比較吃力！！ 謹祝永安旅遊生意興隆，業務蒸蒸日上，業績長虹🙏

J0***52評價：

今次富國島嘅旅程，真係令我畢生難忘。 首先講下第一天，我地乘搭下午機，去到已經天黑了，食咗碗唔錯嘅越南檬粉，就番酒店，然後就去行夜市，買咗生果同一杯好好味三色雪糕就番酒店了。 第二天8:30出發，去咗坐纜車，海天一色個境靚到不得了，然後去玩水，玩水記得要除曬身上所有飾物，包括手錶，耳環，頸鏈，如果唔係就衹可以玩漂流河。黃昏就去咗接吻橋，導遊幫我哋影啲相勁靚，個境真係冇得彈，然後睇埋水上表演，然後就離開去食自助晚餐，其實全日早午晚都係食自助餐，正架。 以上兩天都係好順利。 第三日，我懷住興奮嘅心情，食完個自助早餐8點半就出發去動物園。雖然每個地方嘅動物園都差唔多都係睇獅子，老虎，大笨象，黑熊……但我都睇得好開心， 因為我真係好鍾意去動物園。我就係因為玩得太開心，樂極生悲了，當我喺紀念品鋪買完嘢之後，出返嚟就拗柴了，當時真係痛到眼淚水都標埋，心諗死梗啦，冇得玩喇。導遊曾慶堅(堅仔)知道之後，即時安排遊樂場俾咗張輪椅我，等我食飽咗先，再去國際醫院睇醫生，導遊堅仔真係好好，全程跟足，當佢知道我骨裂同關節移位之後，佢都不停咁安撫我嘅情緒，令我喺呢個陌生嘅地方冇咁驚。我哋喺國際醫院等咗五個鐘左右，終於搞掂曬啲嘢打埋石膏可以返酒店。當時佢仲要醫院同遊樂場兩邊跑，因為又要照顧我又要照顧其他團友，見到佢要跑嚟跑去都覺得佢好辛苦，所以我哋都好多謝佢嘅幫忙。返到酒店佢就即刻幫我哋借咗張輪椅，等我唔使咁辛苦，仲有其他細節位佢都安排得好好，例如沖涼要用嘅膠凳啦，膠袋，膠紙……等我可以坐係度沖涼，呢細節位真係值得一讚。 第四日啦，本來今日可以去shopping，但我知自己行得好慢，坐輪椅又唔方便，咁我同我先生都決定唔跟團走啦，我哋就留咗喺酒店玩，因為酒店後面就係海灘，我哋就推住輪椅去行沙灘，欣賞下呢個藍天白雲，可以係海灘hea下，都好開心嘅。肚餓就去酒店對面個夜市揾嘢食，酒店行去夜市，衹須要3分鐘咗右咋，非常近。 第五日，開心嘅時間過得就係快，又係時候回家喇。食完個自助早餐之後，我諗住坎坷嘅旅程要開始了，因為我諗住會無輪椅坐，要自己行了。點不知導遊已經安排好曬，去到機場已經有輪椅坐，係機場係全程無行過，上機嘅時候，直接用升降台升我去機倉門口，仲幫我升級坐去前面，最終順利咁番到香港，真係好多謝領隊同導遊D既幫忙。

S1***12評價：

導遊Ken 細心安排各項事宜，包括第一晚入住酒店房前，已安排插咭開定冷氣怕我們熱 ，及排隊上船時下雨，買雨衣給團友又監察住上船情況怕大家都要淋雨久等； 團餐都很豐富，每日都沒有餓過，行程緊密在第二至四天，每天差不多晚上10-11時才回酒店，總之導遊Ken ，領導Yi，司機，酒店，團餐各方面都很好！

R0***19評價：

全個行程領隊、導遊同司機都合作無間，帶畀我哋既開心又寫意嘅旅程！尤其是香港領隊楊楊，全程主動同團友溝通，每個景點都會同我哋影好多靚相，好多謝佢熱誠嘅付出，希望貴公司可以畀多啲機會佢，佢絕對係一個非常稱職嘅導遊，有機會再跟永安旅遊我都會搵返楊楊帶隊！！另外富國島嘅司機哥哥默默付出，每日令到車廂一塵不染，太陽曬佢會全車同我哋拉埋窗簾，等我哋上車唔使熱辣辣舒舒服服可以休息！ 行程安排方面，第三日真係馬不停蹄，全日未停過，或者可以分一個大景點去第四日，大家都會比較舒服，尤其是對團中有啲老人家嚟講真係比較吃力！！ 謹祝永安旅遊生意興隆，業務蒸蒸日上，業績長虹🙏

J0***52評價：

今次富國島嘅旅程，真係令我畢生難忘。 首先講下第一天，我地乘搭下午機，去到已經天黑了，食咗碗唔錯嘅越南檬粉，就番酒店，然後就去行夜市，買咗生果同一杯好好味三色雪糕就番酒店了。 第二天8:30出發，去咗坐纜車，海天一色個境靚到不得了，然後去玩水，玩水記得要除曬身上所有飾物，包括手錶，耳環，頸鏈，如果唔係就衹可以玩漂流河。黃昏就去咗接吻橋，導遊幫我哋影啲相勁靚，個境真係冇得彈，然後睇埋水上表演，然後就離開去食自助晚餐，其實全日早午晚都係食自助餐，正架。 以上兩天都係好順利。 第三日，我懷住興奮嘅心情，食完個自助早餐8點半就出發去動物園。雖然每個地方嘅動物園都差唔多都係睇獅子，老虎，大笨象，黑熊……但我都睇得好開心， 因為我真係好鍾意去動物園。我就係因為玩得太開心，樂極生悲了，當我喺紀念品鋪買完嘢之後，出返嚟就拗柴了，當時真係痛到眼淚水都標埋，心諗死梗啦，冇得玩喇。導遊曾慶堅(堅仔)知道之後，即時安排遊樂場俾咗張輪椅我，等我食飽咗先，再去國際醫院睇醫生，導遊堅仔真係好好，全程跟足，當佢知道我骨裂同關節移位之後，佢都不停咁安撫我嘅情緒，令我喺呢個陌生嘅地方冇咁驚。我哋喺國際醫院等咗五個鐘左右，終於搞掂曬啲嘢打埋石膏可以返酒店。當時佢仲要醫院同遊樂場兩邊跑，因為又要照顧我又要照顧其他團友，見到佢要跑嚟跑去都覺得佢好辛苦，所以我哋都好多謝佢嘅幫忙。返到酒店佢就即刻幫我哋借咗張輪椅，等我唔使咁辛苦，仲有其他細節位佢都安排得好好，例如沖涼要用嘅膠凳啦，膠袋，膠紙……等我可以坐係度沖涼，呢細節位真係值得一讚。 第四日啦，本來今日可以去shopping，但我知自己行得好慢，坐輪椅又唔方便，咁我同我先生都決定唔跟團走啦，我哋就留咗喺酒店玩，因為酒店後面就係海灘，我哋就推住輪椅去行沙灘，欣賞下呢個藍天白雲，可以係海灘hea下，都好開心嘅。肚餓就去酒店對面個夜市揾嘢食，酒店行去夜市，衹須要3分鐘咗右咋，非常近。 第五日，開心嘅時間過得就係快，又係時候回家喇。食完個自助早餐之後，我諗住坎坷嘅旅程要開始了，因為我諗住會無輪椅坐，要自己行了。點不知導遊已經安排好曬，去到機場已經有輪椅坐，係機場係全程無行過，上機嘅時候，直接用升降台升我去機倉門口，仲幫我升級坐去前面，最終順利咁番到香港，真係好多謝領隊同導遊D既幫忙。

S1***12評價：

導遊Ken 細心安排各項事宜，包括第一晚入住酒店房前，已安排插咭開定冷氣怕我們熱 ，及排隊上船時下雨，買雨衣給團友又監察住上船情況怕大家都要淋雨久等； 團餐都很豐富，每日都沒有餓過，行程緊密在第二至四天，每天差不多晚上10-11時才回酒店，總之導遊Ken ，領導Yi，司機，酒店，團餐各方面都很好！