【高鐵旅遊新篇章】2025香港高鐵新增7大站點！2.5小時直達恩平溫泉鄉、景德鎮瓷都、芙蓉鎮古鎮，西九龍出發站點增至96個！

各位熱愛旅遊嘅香港朋友，有好消息要同大家宣佈！由 2025年7月1日 起，香港高鐵網絡將迎來一次重大升級，服務版圖再度擴大，為你嘅出行帶嚟前所未有嘅便利同驚喜！

今次升級後，高鐵(香港段)連接內地嘅站點將增至96個，新增站點遍佈廣東、湖南、江西等省份，無論你係計劃返鄉下探親，定係想發掘更多中國嘅隱世秘景，而家都有更多、更快捷嘅選擇！

今次新增嘅站點之中，我哋特別為你精選咗三個極具特色嘅目的地，絕對值得你放入你嘅旅遊清單！

1. 恩平站：僑鄉溫泉之旅 (2.5小時直達)

• 路線： 香港西九龍 → 湛江西 (G6048/5次)
• 車程： 約2.5小時

對於好多香港人嚟講，「四邑」（新會、開平、台山、恩平）呢個名絕對唔陌生。恩平作為好多港人嘅祖籍地，而家終於可以搭高鐵直達！全程只需約2.5小時，座位寬敞舒適，唔使再舟車勞頓，探親祭祖變得輕鬆便捷。

除咗係著名僑鄉，恩平更加係遠近馳名嘅「溫泉之鄉」。你可以喺呢度享受一個悠閒嘅溫泉假期，洗去一身疲憊。回程時，仲可以順道遊覽開平碉樓、江門市區，一個旅程，多重體驗！

2. 芙蓉鎮站：掛在瀑布上的千年古鎮

• 路線： 張家界西 → 香港西九龍 (G6079次，南行)

自從高鐵開通張家界線後，當地已經成為港人嘅新興旅遊熱點。除咗天門山、張家界國家森林公園之外，附近嘅芙蓉鎮更加係一個充滿魅力嘅地方。

芙蓉鎮係一個名副其實「掛在瀑布上嘅千年古鎮」，土家吊腳樓沿著瀑布兩側而建，景色壯麗，日與夜都呈現唔同嘅美態。今次張家界線回程時新增芙蓉鎮站，令行程規劃更靈活，你可以更輕鬆將呢個仙境古鎮加入你嘅張家界之旅！

3. 景德鎮北站：中國瓷都文化體驗

• 路線： 香港西九龍 ↔ 上海虹橋 (G100/G99次)
• 車程： 約5小時

如果你對中國傳統文化同藝術充滿興趣，咁「瓷都」景德鎮就非去不可！呢座城市連路燈桿都係用陶瓷製成，藝術氣息濃厚。你可以參觀古窯民俗博覽區，親身體驗陶瓷製作嘅樂趣，甚至可以喺創意市集淘到獨一無二嘅陶瓷藝術品。

以前去景德鎮需要多次轉車，非常唔方便。而家由香港西九龍站出發，最快約5小時就可以直達，大大節省交通時間同金錢，輕鬆展開一場深度文化之旅。

為咗方便大家計劃行程，我哋整理咗所有新增站點及對應嘅列車班次：

為配合路線優化，部分列車嘅中途站點會有所調整，出行前請務必留意：

• G6578/5 (汕頭線): 北行列車將不停「葵潭站」。
• G306 (天津西線): 北行列車將不停「衡山西站」。
• G826/7 (西安北線): 北行列車將不停「衡山西站」、「英德西站」及「駐馬店西站」。
• 來往慶盛站嘅服務因內地段工程需要，將暫時調整為每日南北行各一班。

溫馨提示： 最新及最準確嘅列車時間表，請以官方公佈為準