Royce公寓(梅界路分店) (Royce Apartment (Meijie Road))

今次係我有史以來給永安最差嘅一次平語,首先訂酒店的內容房東完全冇寫清楚點樣去攞房,完來係冇酒店大堂幫我辦理入住手續,要我哋顧客揾無可揾知下,去致電房東詢問先知道,原來要房東send信息畀我先知道你自己直接自己上去攞房,當然訊息付帶開門密碼,我哋係家庭旅行有大有細所以要分開四間房~問題又出現喇,上到去逐間房檢查好多問題出現有電視機係完全睇唔到電視全部雪花,有啲房開冷氣個遙控冇電開唔到,洗手間清潔水平係五粒星咁差簡單嚟講係污糟,酒店應該要提供嘅廁紙得一卷,我哋一家大細真係唔夠用慘過坐監啲囚犯每日分配廁紙一人十格,我再問房東幫手執房個姐姐有冇得分配多一卷呀,態度甚差她回應我你哋嚟兩日一夜咋喎咁都唔夠用,厠紙有幾少可以睇圖。 由於我哋係家庭旅行去攞酒店之前已經去咗山姆購物,諗住買定啲飲品糖水返去雪凍佢夜晚有得飲用,點知原來係冇雪櫃提供嘅間屋咁大雪櫃都冇個,打電話問何東佢嘅解釋係話之前幫襯過佢啲客搞破壞,所以冇雪櫃提供真係畀佢激死咁嘅解釋都有,小朋友冇電視睇買咗返嚟嘅甜品飲品又冇雪櫃用,咁唯有開始我哋吃喝玩樂嘅行程囉。 因為酒店乜都冇提供,所以我哋食飽飯按摩完唱埋ktv就返酒店休息啦,點知問題又再出現,由於呢間酒店每間房都有密碼鎖,其中一間房嘅密碼鎖竟然可以冇電開唔到門返唔到入房,又要打電話叫房東個姐姐上嚟幫手開門,重點係態度惡劣,另外一間房入到去又見到兩隻曱甴,嚇到啲小朋友大叫,到洗白白嘅時候水力唔夠熱水唔夠,搞咗一大輪終於可以休息。 瞓醒覺落街食早餐想返去諗住執埋啲行李就退房走入,點知問題又出現呀,有問題嗰間房又開唔到門,搞到又要叫個房東姐姐上嚟開門,因為我哋食完早餐上到房嘅時間仲有30分鐘去埋個洗手間就可以收拾行李走人,因為房東姐姐上嚟開門都一段時間,咁我都要去洗手間收拾行李吖嘛,點知過房東姐姐吹我哋交房態度惡劣,問題係出響酒店房間門鎖到唔關我事,點解要我快啲走唔補返30分鐘畀我,當然我冇理會佢照去埋個廁所啦。 所以今次租呢間所謂叫酒店嘅公寓真係完全唔可以話係酒店,如果你咁啱好運睇到我呢個評價千祈唔好租呢間公寓,否則你會搞到個旅行唔開心咁返屋企。 08/09/2024