澳洲農曆年初一旅行團推薦

整體行程及膳食安排十分滿意，行程設計周全且節奏適中。三間酒店之中，只有朗塞斯頓的 Grand Chancellor 酒店稍顯陳舊，其餘兩間酒店則新淨整潔，地點便利，購物亦十分方便。 特別讚賞領隊（Stephenie) 的出色表現，對行程安排細心專業，對團員照顧周到，態度親切耐心，使整個旅程既順利又愉快。

因出發前1個半月才決定到澳州玩，故選擇報名參加旅行團，以免卻plan行程呢d瑣碎事。之前有同事參加永安10天澳州團，玩得好盡興，所以今次都選擇報永安澳州團。 今次跟團既膳食同用車都唔錯，尤其是悉尼的3餐，菜色豐富，味道非常迎合香港人口味；由於只有8位團友，故安排左21座位的旅遊車，每人坐一排都坐得好舒適。 今次旅遊基本上玩晒悉尼同墨爾本主要景點，只係天氣變化無常，雨天一度影響遊玩心情，陰雨天就是呢兩日悉尼的早上，第3日飛到墨爾本，更是雷雨天。澳州的所有景點和餐廳都需要提早預約，塞車，雨天，團友的守時程度都是影響參觀景點時長的因素，建議將行程日數加長，以增加觀光景點的逗留時間，令旅程更加盡興！ 住宿方面，墨爾本Novotel酒店地理位置接近市中心，步行30分鐘就可到達火車站，但酒店附近只有outlet和便利店，無超市，只開9am-6pm, 對有購物欲的旅客有點不便。Novotel酒店的床品是舒適，床褥唔會太軟太硬，但房間清潔度尚有改善空間，洗手盆和枱面都有發現污跡。唯一興幸的是，Novotel酒店景觀一流，可於房中欣賞日出和夜景。 每到景點，領隊Rita都會提前告知最佳觀賞位置，特別是乘坐蒸氣火車前，可趁其他旅客未上車前到車卡上拍照留念。領隊都好細心，於出發前讓團友知道主菜菜單，可提早決定大部分餐食👍。領隊Rita為人親切，與她相處幾日都好愉快，尤如新認識的朋友一樣😉

今次西澳之旅簡直係好食好住同好玩👍🏻👍🏻👍🏻👍🏻👍🏻行程節奏同時間安排啱啱好，唔會太趕太chur，玩得盡興之餘又有足夠時間慢慢欣賞風景、影相同休息。食物安排方面，真係要大大稱讚。海鮮部分嘅龍蝦、雪蟹、炸魚等等都非常新鮮。除咗海鮮之外，其他西餐嘅味道同賣相都令人滿意，中餐更加係冇得輸，好啱大家胃口。Free day嗰日我亦聽咗導遊Hebe推薦去食Yogurt，可以自己揀口味同配料，選擇多又新鮮，仲要超級好味，係非常好嘅推薦。每日用餐嘅時間安排都好配合行程節奏，唔會趕頭趕命。而住宿方面，兩間酒店都好乾淨企理。對清潔度要求比較高、甚至有啲潔癖嘅我，都可以話係非常滿意。房間舒適度十分高，空間又唔會太細。酒店嘅自助早餐同晚餐水準同樣出色，選擇唔少，味道亦令我滿意。用車方面亦值得一讚，旅遊巴環境整潔，座位舒適、空間適中，長途車程都坐得輕鬆，車內冷氣充足，亦唔會有侷促感。兩位司機先生都好Nice，上落車會幫手拎行李。而且駕駛又穩定，令車上旅程安全又舒服。今次旅程中最想重點讚賞嘅，當然就係導遊Hebe。Hebe對團友嘅照顧非常細心又盡責，例如去到尖石峰同自然之窗呢啲地形較為崎嶇嘅景點，佢會提醒大家山路唔平，要小心行路、注意腳下，行得比較慢嘅團友佢亦會特別留意。喺車上，Hebe對澳洲景點同在地文化嘅知識非常充足，講解邏輯清晰，語氣親切，易聽易明，大家都可以一邊欣賞風景，一邊吸收知識。遇到突發情況，佢亦都可以迅速應對，隨機應變、臨危不亂。更難得嘅係，Hebe好識帶動氣氛 ，幽默感十足，笑聲時不時喺車廂響起，同團友打成一片，令旅程絲毫不覺沉悶。而且每一日佢都會以message提醒大家集合時間同地點，以及需要注意嘅事項。資訊清晰，一睇就明。Hebe亦都非常貼心，例如係第二日嘅天氣可能會落雨，Hebe會主動提大家把遮要跟身。去到各個景點，Hebe亦都會主動幫團友影相。今次係我自己一個跟團，Hebe非常照顧我，同埋成日關心我有冇走失左🤣令我覺得非常窩心同安心🫶🏻今次西澳之旅令我非常之開心，無論係行程、膳食、住宿、用車，抑或係導遊Hebe嘅帶領，都達到我心中非常高嘅標準，甚至可以話係超出預期。下次有機會嘅話，我一定會再報永安嘅團，亦都會第一時間推薦畀身邊朋友。多謝永安用心成就一次真正好食好住同好玩嘅旅程，為我留低好多珍貴嘅回憶🫶🏻希望下次仲有機會跟Hebe帶嘅團😎