飛關島的航班目前確實買少見少，直航由香港至關島需時大概5個鐘，屬於中長線旅遊，根據關島官方旅遊網站介紹，直航的只有「聯合航空」，每星期約有6班由香港出發的班次，價錢約每位$3500 或以上。如果想稍作停留別國，菲律賓航空、大韓航空等址有提供轉機服務，基本上每日都會提供一至兩次航班。由於上半年關島節慶較多，故屬於當地旅遊旺季。
另外，美國傳統節日，如：聖誕節，機票價格會比平常昂貴，視乎你會否選擇先轉機至其他國家，後再飛關島一趟。而淡季既機票價錢就相差不大，約在＄2500 或以上。旺、淡季的機票價格非極大差距，建議可視乎閣下的時間、日子與及想參與的活動決定。順帶一提，假如決定要前往關島度假，記得預備所需的有效旅遊證件同3份填妥的入境表格，包括：旅客資料表、Guam-CNMI 豁免簽證計劃表格同入境記錄表！
關島屬於熱帶氣候，全年天氣和暖，帶定夏天衫同泳衣就最適合不過！最適合旅遊嘅月份為12月至6月，咁就可以完美避開雨季，玩得盡興啲啦。關島旅遊業主打休閒活動同本土文化，而且一年四季都有唔同嘅節慶活動，鐘意運動可以參加2月至4月舉辦的馬拉松比賽，觀賞高爾夫球比賽同越野賽嘉年華，小朋友仲可以參加「趣味跑」、兒童單車等活動，完全唔怕小朋友去到會悶親。